Arnar vill ekki að leikurinn í kvöld kosti Ísland tvo milljarða Sindri Sverrisson skrifar 27. september 2022 12:00 Birkir Bjarnason þekkir hvað þarf til að komast á EM. Getty/Robbie Jay Barratt Ef að Arnar Þór Viðarsson eða leikmenn íslenska karlalandsliðsins í fótbolta kysu að gefa bara skít í leikinn við Albaníu í Þjóðadeildinni í kvöld eru ágætar líkur á að sú afstaða kæmi illilega í hausinn á þeim að ári liðnu. Sigur í kvöld gæti nefnilega opnað varaleið inn á EM í Þýskalandi 2024. Ísland getur ekki lengur unnið sinn riðil í B-deild Þjóðadeildarinnar því Ísrael tryggði sér efsta sætið um helgina með sigri á Albaníu. Þó gæti verið til býsna mikils að vinna í kvöld. Sigur gegn Albaníu ætti nefnilega að svo gott sem tryggja Íslandi möguleika á fjögurra liða umspili um sæti á EM, þurfi íslenska liðið á því að halda að ári liðnu. Vandamálið er að það verður ekki skýrt fyrr en eftir undankeppni EM á næsta ári hvort leikurinn í kvöld skiptir máli en það bendir býsna margt til þess. Arnar er vel meðvitaður um þetta eins og fram kom í viðtali við hann um helgina, og þess vegna hafði hann engan áhuga á að lána leikmenn sína niður í U-21 landsliðið sem spilar í umspili við Tékka í dag um sæti á EM. Allt þar til í gærkvöldi var jafnframt möguleiki á að sigur í kvöld myndi skila Íslandi í 2. styrkleikaflokk fyrir dráttinn í undankeppni EM, en eftir sigur Finnlands í gær er ljóst að liðið verður í 3. flokki sem gerir verkefnið að komast á EM vitaskuld strax erfiðara. Markmið Arnars og íslenska liðsins er að sjálfsögðu að komast á EM 2024. Kannski er erfitt að ímynda sér núna „bláa hafið“ streyma um götur Berlínar en sigur í kvöld gæti á endanum greitt leiðina þangað. Þátttöku á EM fylgir jafnframt verðlaunafé upp á vel á annan milljarð íslenskra króna (að minnsta kosti má reikna með meira en þeim 1,4 milljarði sem fékkst fyrir það eitt að komast á EM 2020, og við bætist fé fyrir jafntefli og sigra á mótinu) svona til áminningar um mikilvægi mótsins fyrir íslenskan fótbolta eins og EM 2016 og HM 2018 voru. Einfalda leiðin að komast beint á EM Einfalda leiðin til að komast á EM er að lenda í 1. eða 2. sæti í riðlinum sem Ísland dregst í 9. október, í undankeppninni sem öll verður leikin á næsta ári. En ef Ísland kemst ekki beint á EM úr undankeppninni þarf liðið að stóla á umspilið sem fram fer í mars 2024. Leiðin í það umspil liggur í gegnum Þjóðadeildina. Dæmi um mögulega leið Íslands í umspilið Tuttugu lið komast á EM í gegnum undankeppnina, og Þýskaland fær öruggt sæti sem gestgjafi. Eftir standa þá þrjú laus sæti sem spilað er um í þremur fjögurra liða umspilum; einu fyrir A-deild Þjóðadeildar, einu fyrir B-deild (deildina sem Ísland er í) og einu fyrir C-deild. Liðin sem vinna sinn riðil í A- B- og C-deild Þjóðadeildar eiga öruggt sæti í umspili. Ef einhver þeirra verða hins vegar búin að vinna sig inn á EM í gegnum undankeppnina, sem mun gerast, þá færist sæti þeirra til næstu þjóða í viðkomandi deild (reyndar fær efsta lið D-deildar fyrsta aukasætið sem í boði er í umspili en svo er farið efst á lista). Líklega er best að skoða dæmi um það hvernig þetta gæti spilast á næsta ári. Í dæminu hér að neðan kemst Ísland í umspil en Albanía ekki, og það er auðvelt að sjá hversu mikið öruggara væri fyrir Ísland að lenda í 2. sæti en 3. sæti í sínum riðli, í þessu sambandi. Ef að Ísland kemst ekki beint á EM í gegnum undankeppnina mega sem sagt samtals að hámarki sex lið sem enda fyrir ofan Ísland í Þjóðadeildinni missa af því að komast beint á EM, til að Ísland fái að fara í umspil. Líkurnar á því eru meiri ef Ísland missir ekki fjögur lið upp fyrir sig með tapi í kvöld. Umspil enn möguleiki þrátt fyrir tap Það má reikna með því að flest, ef ekki öll, liðin úr A-deild Þjóðadeildar verði í hópi þeirra tuttugu liða sem komast beint á EM í gegnum undankeppnina, og nokkur lið úr B-deildinni. Þá yrði bætt í „A-umspilið“ og „B-umspilið“ eftir röðun í Þjóðadeildinni og Ísland gæti grætt á því. Þess vegna er mjög líklegt að ef Ísland tapar ekki gegn Albaníu í kvöld, og endar þar með á bilinu 21.-24. sæti í heildarkeppni Þjóðadeildarinnar, muni liðið komast í umspil þurfi það á því að halda. Líkurnar eru talsvert minni verði Ísland á bilinu 25.-28. sæti en þó er ekki útilokað að það dygði (það í nákvæmlega hvaða sæti Ísland endar veltur á samanburði við lið í 2. eða 3. sæti annarra riðla í B-deild, þar sem úrslit gegn neðsta liði eru strokuð út). Ísland græðir á því að vera í riðli með Rússlandi, sem dæmt var úr keppni, og getur því ekki endað neðar en í 28. sæti í Þjóðadeildinni, og ekki fallið niður í C-deild. Þjóðadeild UEFA EM 2024 í Þýskalandi Fótbolti Landslið karla í fótbolta Mest lesið Dramatík í víðavangshlaupinu: Þorsteinn dæmdur úr leik fyrir að hrinda Arnari Sport Dramatískur endurkomusigur United Enski boltinn Uppgjörið: KR - ÍBV 2-1| Einum sigri í viðbót frá því að bjarga sér Íslenski boltinn „Langar að segja að ég hafi aldrei verið hrædd en var það allan tímann“ Handbolti Vallarþulurinn í Keflavík lét Ægi Þór heyra það Körfubolti Uppgjörið: Afturelding - Vestri 1-1 | Jöfnunarmark á lokasekúndunum Íslenski boltinn „Fannst slakt að fá skilaboðin í gegnum messenger“ Fótbolti Mbappé getur ekki keyrt nýja bílinn sinn Fótbolti Uppgjörið: KA - ÍA 5-1 | Skagamenn fengu á baukinn en eru hólpnir Íslenski boltinn Uppgjörið: Portúgal - Ísland 26-25 | Annar eltingaleikur íslenska liðsins endar með öðru tapi Handbolti Fleiri fréttir „Að tapa fjórum leikjum í röð hefur án vafa áhrif á liðið“ „Fannst slakt að fá skilaboðin í gegnum messenger“ Árni Gautur glímir við erfiðan taugahrörnunarsjúkdóm Uppgjörið: Valur - FH 4-4 | Bráðskemmtilegur átta marka leikur á Hlíðarenda Hákon áfram á skotskónum hjá Lille Sjáðu allt það helsta úr frægðarför United til Liverpool „Virkilega góður dagur fyrir KA“ „Alls ekki góður leikur en mér er skítsama“ Mbappé mætti og kláraði Getafe Rafael Leao afgreiddi Albert og félaga Uppgjörið: KR - ÍBV 2-1| Einum sigri í viðbót frá því að bjarga sér Uppgjörið: Afturelding - Vestri 1-1 | Jöfnunarmark á lokasekúndunum Sandra María með sex mörk í síðustu fimm leikjum Uppgjörið: KA - ÍA 5-1 | Skagamenn fengu á baukinn en eru hólpnir Víti í uppbótartíma í súginn og Genoa enn án sigurs Dramatískur endurkomusigur United Þriðji deildarsigur Villa í röð Hárnákvæm fyrirgjöf Loga skilaði marki Unnið alla deildarleikina með Örnu í byrjunarliðinu Unnu fyrsta sigurinn á Juventus í 73 ár Hildur á skotskónum gegn Sevilla Mancini og Dyche á óskalista Forest Botnar ekkert í því af hverju Birta er ekki í landsliðinu Ronaldo kenndi IShowSpeed að taka víkingaklappið Sjáðu mörkin úr lokaumferðinni og meistarasyrpu Breiðabliks Sjáðu myndirnar þegar Blikar lyftu bikarnum á loft Sjáðu allt það helsta úr enska boltanum í dag „Enn hungur hjá leikmönnum og stuðningsmönnum“ „Færum þeim jöfnunarmarkið á silfurfati“ Uppgjörið: Breiðablik - Víkingur 1-2 | Glæsimark hjá Tarik gerði skráveifu í Evrópudraum Blika Sjá meira
Ísland getur ekki lengur unnið sinn riðil í B-deild Þjóðadeildarinnar því Ísrael tryggði sér efsta sætið um helgina með sigri á Albaníu. Þó gæti verið til býsna mikils að vinna í kvöld. Sigur gegn Albaníu ætti nefnilega að svo gott sem tryggja Íslandi möguleika á fjögurra liða umspili um sæti á EM, þurfi íslenska liðið á því að halda að ári liðnu. Vandamálið er að það verður ekki skýrt fyrr en eftir undankeppni EM á næsta ári hvort leikurinn í kvöld skiptir máli en það bendir býsna margt til þess. Arnar er vel meðvitaður um þetta eins og fram kom í viðtali við hann um helgina, og þess vegna hafði hann engan áhuga á að lána leikmenn sína niður í U-21 landsliðið sem spilar í umspili við Tékka í dag um sæti á EM. Allt þar til í gærkvöldi var jafnframt möguleiki á að sigur í kvöld myndi skila Íslandi í 2. styrkleikaflokk fyrir dráttinn í undankeppni EM, en eftir sigur Finnlands í gær er ljóst að liðið verður í 3. flokki sem gerir verkefnið að komast á EM vitaskuld strax erfiðara. Markmið Arnars og íslenska liðsins er að sjálfsögðu að komast á EM 2024. Kannski er erfitt að ímynda sér núna „bláa hafið“ streyma um götur Berlínar en sigur í kvöld gæti á endanum greitt leiðina þangað. Þátttöku á EM fylgir jafnframt verðlaunafé upp á vel á annan milljarð íslenskra króna (að minnsta kosti má reikna með meira en þeim 1,4 milljarði sem fékkst fyrir það eitt að komast á EM 2020, og við bætist fé fyrir jafntefli og sigra á mótinu) svona til áminningar um mikilvægi mótsins fyrir íslenskan fótbolta eins og EM 2016 og HM 2018 voru. Einfalda leiðin að komast beint á EM Einfalda leiðin til að komast á EM er að lenda í 1. eða 2. sæti í riðlinum sem Ísland dregst í 9. október, í undankeppninni sem öll verður leikin á næsta ári. En ef Ísland kemst ekki beint á EM úr undankeppninni þarf liðið að stóla á umspilið sem fram fer í mars 2024. Leiðin í það umspil liggur í gegnum Þjóðadeildina. Dæmi um mögulega leið Íslands í umspilið Tuttugu lið komast á EM í gegnum undankeppnina, og Þýskaland fær öruggt sæti sem gestgjafi. Eftir standa þá þrjú laus sæti sem spilað er um í þremur fjögurra liða umspilum; einu fyrir A-deild Þjóðadeildar, einu fyrir B-deild (deildina sem Ísland er í) og einu fyrir C-deild. Liðin sem vinna sinn riðil í A- B- og C-deild Þjóðadeildar eiga öruggt sæti í umspili. Ef einhver þeirra verða hins vegar búin að vinna sig inn á EM í gegnum undankeppnina, sem mun gerast, þá færist sæti þeirra til næstu þjóða í viðkomandi deild (reyndar fær efsta lið D-deildar fyrsta aukasætið sem í boði er í umspili en svo er farið efst á lista). Líklega er best að skoða dæmi um það hvernig þetta gæti spilast á næsta ári. Í dæminu hér að neðan kemst Ísland í umspil en Albanía ekki, og það er auðvelt að sjá hversu mikið öruggara væri fyrir Ísland að lenda í 2. sæti en 3. sæti í sínum riðli, í þessu sambandi. Ef að Ísland kemst ekki beint á EM í gegnum undankeppnina mega sem sagt samtals að hámarki sex lið sem enda fyrir ofan Ísland í Þjóðadeildinni missa af því að komast beint á EM, til að Ísland fái að fara í umspil. Líkurnar á því eru meiri ef Ísland missir ekki fjögur lið upp fyrir sig með tapi í kvöld. Umspil enn möguleiki þrátt fyrir tap Það má reikna með því að flest, ef ekki öll, liðin úr A-deild Þjóðadeildar verði í hópi þeirra tuttugu liða sem komast beint á EM í gegnum undankeppnina, og nokkur lið úr B-deildinni. Þá yrði bætt í „A-umspilið“ og „B-umspilið“ eftir röðun í Þjóðadeildinni og Ísland gæti grætt á því. Þess vegna er mjög líklegt að ef Ísland tapar ekki gegn Albaníu í kvöld, og endar þar með á bilinu 21.-24. sæti í heildarkeppni Þjóðadeildarinnar, muni liðið komast í umspil þurfi það á því að halda. Líkurnar eru talsvert minni verði Ísland á bilinu 25.-28. sæti en þó er ekki útilokað að það dygði (það í nákvæmlega hvaða sæti Ísland endar veltur á samanburði við lið í 2. eða 3. sæti annarra riðla í B-deild, þar sem úrslit gegn neðsta liði eru strokuð út). Ísland græðir á því að vera í riðli með Rússlandi, sem dæmt var úr keppni, og getur því ekki endað neðar en í 28. sæti í Þjóðadeildinni, og ekki fallið niður í C-deild.
Þjóðadeild UEFA EM 2024 í Þýskalandi Fótbolti Landslið karla í fótbolta Mest lesið Dramatík í víðavangshlaupinu: Þorsteinn dæmdur úr leik fyrir að hrinda Arnari Sport Dramatískur endurkomusigur United Enski boltinn Uppgjörið: KR - ÍBV 2-1| Einum sigri í viðbót frá því að bjarga sér Íslenski boltinn „Langar að segja að ég hafi aldrei verið hrædd en var það allan tímann“ Handbolti Vallarþulurinn í Keflavík lét Ægi Þór heyra það Körfubolti Uppgjörið: Afturelding - Vestri 1-1 | Jöfnunarmark á lokasekúndunum Íslenski boltinn „Fannst slakt að fá skilaboðin í gegnum messenger“ Fótbolti Mbappé getur ekki keyrt nýja bílinn sinn Fótbolti Uppgjörið: KA - ÍA 5-1 | Skagamenn fengu á baukinn en eru hólpnir Íslenski boltinn Uppgjörið: Portúgal - Ísland 26-25 | Annar eltingaleikur íslenska liðsins endar með öðru tapi Handbolti Fleiri fréttir „Að tapa fjórum leikjum í röð hefur án vafa áhrif á liðið“ „Fannst slakt að fá skilaboðin í gegnum messenger“ Árni Gautur glímir við erfiðan taugahrörnunarsjúkdóm Uppgjörið: Valur - FH 4-4 | Bráðskemmtilegur átta marka leikur á Hlíðarenda Hákon áfram á skotskónum hjá Lille Sjáðu allt það helsta úr frægðarför United til Liverpool „Virkilega góður dagur fyrir KA“ „Alls ekki góður leikur en mér er skítsama“ Mbappé mætti og kláraði Getafe Rafael Leao afgreiddi Albert og félaga Uppgjörið: KR - ÍBV 2-1| Einum sigri í viðbót frá því að bjarga sér Uppgjörið: Afturelding - Vestri 1-1 | Jöfnunarmark á lokasekúndunum Sandra María með sex mörk í síðustu fimm leikjum Uppgjörið: KA - ÍA 5-1 | Skagamenn fengu á baukinn en eru hólpnir Víti í uppbótartíma í súginn og Genoa enn án sigurs Dramatískur endurkomusigur United Þriðji deildarsigur Villa í röð Hárnákvæm fyrirgjöf Loga skilaði marki Unnið alla deildarleikina með Örnu í byrjunarliðinu Unnu fyrsta sigurinn á Juventus í 73 ár Hildur á skotskónum gegn Sevilla Mancini og Dyche á óskalista Forest Botnar ekkert í því af hverju Birta er ekki í landsliðinu Ronaldo kenndi IShowSpeed að taka víkingaklappið Sjáðu mörkin úr lokaumferðinni og meistarasyrpu Breiðabliks Sjáðu myndirnar þegar Blikar lyftu bikarnum á loft Sjáðu allt það helsta úr enska boltanum í dag „Enn hungur hjá leikmönnum og stuðningsmönnum“ „Færum þeim jöfnunarmarkið á silfurfati“ Uppgjörið: Breiðablik - Víkingur 1-2 | Glæsimark hjá Tarik gerði skráveifu í Evrópudraum Blika Sjá meira
Uppgjörið: Portúgal - Ísland 26-25 | Annar eltingaleikur íslenska liðsins endar með öðru tapi Handbolti
Uppgjörið: Portúgal - Ísland 26-25 | Annar eltingaleikur íslenska liðsins endar með öðru tapi Handbolti