Mikilvægar æfingar fyrir göngugarpinn frá Önnu Eiríks

Ísland býr yfir stórbrotinni náttúru sem er dásamlegt að hreyfa sig í hvort sem það er með fjallgöngum, náttúruhlaupum eða góðum göngutúrum. Mikil vakning hefur orðið fyrir því að hreyfa sig úti en það nærir ekki aðeins kroppinn heldur einnig sálina því það er magnað hvað náttúran og súrefnið gerir mikið fyrir andlegu hliðina. 

Til að forðast það að lenda í meiðslum og hlúa að ákveðnu jafnvægi í líkamanum er mikilvægt að gera góðar styrkjandi æfingar fyrir neðri hlutann sérstaklega svo hann sé betur í stakk búinn fyrir hlaupin og fjallgöngurnar. Einnig er mikilvægt að styrkja kjarnavöðva líkamans og síðast en ekki síst er mikilvægt að teygja vel á vöðvunum og nudda þá með nuddrúllu eða nuddbolta.

Hérna eru nokkrar góðar æfingar sem ég mæli með að gera en þær eru úr þáttaröðinni Hreyfum okkur saman og er hver æfing 15 mínútur. Það má gera æfingarnar allar saman sem eina æfingu eða velja sér æfingu til að gera strax eftir gönguna/hlaupin.

• Styrktaræfing fyrir neðri hlutann
• Kviður og bak
• Hreyfiflæði og sjálfsnudd

Gangi ykkur vel og njótið sumarsins í botn!