Bein útsending: Bestu íslensku vörumerkin

Eiður Þór Árnason skrifar 10. febrúar 2022 11:30

Þetta er annað árið í röð sem brandr verðlaunar íslensk vörumerki. aðsend

Vörumerkjastofan brandr mun útnefna „Bestu íslensku vörumerkin“ í annað sinn klukkan 12 í dag. Viðurkenningar eru veittar í fjórum flokkum, sem er skipt upp eftir starfsmannafjölda og því hvort vörumerkin starfi á einstaklings- eða fyrirtækjamarkaði. Hægt verður að fylgjast með útsendingunni í spilaranum hér fyrir neðan.

Verðlaunin eru veitt á grundvelli vörumerkjastefnu fyrirtækja og er meðal annars litið til viðskiptalíkana og staðfærslu þeirra við valið. Í tilkynningu frá brandr segir að markmiðið með verðlaununum sé að efla umræðu um mikilvægi góðrar vörumerkjastefnu og verðlauna fyrirtæki sem stóðu sig best á þessu sviði á síðasta ári.

Bestu íslensku vörumerkin 2021 from CHARGE Energy Branding on Vimeo.

Í október var kallað eftir tillögum frá almenningi og valnefnd, sem skipuð er fimmtíu sérfræðingum úr atvinnulífinu og fræðasamfélaginu.

Í kjölfarið var óskað eftir því að tilnefnd vörumerkum skiluðu inn gögnum og kynningu. Niðurstöður kannanna og einkunnargjafar valnefndar sker svo úr hvert sterkasta vörumerkið er í hverjum flokki.

Eftirfarandi vörumerki hljóta tilnefningu í ár

Fyrirtækjamarkaður, starfsfólk 50 eða fleiri: Advania, Kerecis, Kvika, Meniga, Origo.

Fyrirtækjamarkaður, starfsfólk 49 eða færri: Akademias, Alfreð, Lucinity, Men&Mice, Sahara.

Einstaklingsmarkaður, starfsfólk 50 eða fleiri: 66 norður, Heimkaup, Lyfja, Nova, Play, Sky Lagoon, Te & Kaffi.

Einstaklingsmarkaður, starfsfólk 49 eða færri: As we grow, Blush, Eldum rétt, Hopp, Omnom, Vaxa, Vök baths.

Auglýsinga- og markaðsmál

Tengdar fréttir

Þurfa sterkt vörumerki til að laða til sín hæfasta starfsfólkið

„Það sem er mest vaxandi anginn í vörumerkjastjórnun í dag er það sem kallast á ensku employer branding, þar sem fyrirtæki eru að byggja sig upp sem vörumerkti til þess að geta laðað til sín hæfasta starfsfólkið,“ segir Friðrik Larsen stofnandi brandr og dósent við Háskóla Íslands.

9. febrúar 2022 07:01

Tilnefndu bestu vörumerki ársins

24 fyrirtæki eru tilnefnd til markaðsverðlaunanna Bestu íslensku vörumerkin árið 2021. Vörumerkin eru tilnefnd í fjórum mismunandi flokkum og eru verðlaunin veitt af vörumerkjastofunni brandr annað árið í röð.

14. desember 2021 13:06