Örvar nýr með­eig­andi hjá PwC

Í tilkyninngu frá PwC segir að Örvar hafi hafið störf hjá PwC árið 2018 og hafi síðan þá unnið á endurskoðunarsviði PwC. Áður hafði hann starfað hjá félaginu árin 2005 til 2008. 

„Hann lauk meistaragráðu í endurskoðun og reikningsskilum frá Háskóla Íslands árið 2009 og hlaut löggildingu til endurskoðunarstarfa árið 2016. Örvar stýrir starfsstöð PwC í Vestmannaeyjum og hefur unnið við endurskoðun margra öflugra fyrirtækja í viðskiptamannahópi PwC undanfarin ár, þar á meðal fyrirtækja í sjávarútvegi og ferðaþjónustu.

Á árunum 2008 – 2014 starfaði Örvar sem fjármálastjóri hjá Kynnisferðum ehf., og Reykjavik Excursions ehf. Þá hefur Örvar jafnframt komið að bókhalds- og fjármálatengdri kennslu í gegnum árin,“ segir í tilkynningunni.