Samkvæmt upplýsingum frá Vegagerðinni er verið að hreinsa göngin og tryggja að hrunið verði ekki meira.
Ari Guðmundsson, yfirverkstjóri Vegagerðarinnar á Reyðarfirði, segir í samtali við fréttastofu að hrunið úr loftinu hafi verið „dálítið“. Það sé þó meira efni sem hafi losnað í loftinu við hrunið. Göngin verði ekki opnuð að svo stöddu.
Þá segir hann að verið sé að skoða hvort opna eigi í gegnum Oddskarðsgöngin.
Norðfjarðargöng voru opnuð fyrir tæpum fjórum árum síðan eða þann ellefta nóvember 2017. Þau leystu Oddskarðsgöngin og erfiðan fjallveg af hólmi og styttu ferðina milli Eskifjarðar og Neskaupstaðar nokkuð.
Göngin eru tæpir átta kílómetrar að lengd.
Norðfjarðargöng: Göngin verða lokuð í óákveðinn tíma. #færðin
— Vegagerðin | Iceland Roads (@Vegagerdin) November 1, 2021
Uppfært 16:10 Búið er að ákveða að opna veginn um Oddskarðsgöng.
Norðfjarðargöng: Göngin verða lokuð í óákveðinn tíma. Unnið er að opnun vegarins um Oddskarðsgöng og mun hann opna innan tíðar. #færðin
— Vegagerðin | Iceland Roads (@Vegagerdin) November 1, 2021