Erlent

Alvarlega særður eftir hnífsstungu í Osló

Hallgerður Kolbrún E. Jónsdóttir skrifar
Maðurinn er sagður alvarlega slasaður eftir árásina.
Maðurinn er sagður alvarlega slasaður eftir árásina. EPA-EFE/Naina Helen Jama

Karlmaður er alvarlega særður eftir að ráðist var á hann með eggvopni í miðborg Oslóar nú rétt fyrir klukkan þrjú að staðartíma. 

Norska ríkisútvarpið greinir frá. Maðurinn varð fyrir árásinni á Stortorget í Osló nú fyrir stuttu og hefur verið fluttur á sjúkrahús. Maðurinn er sagður hafa hlotið alvarlega höfuðáverka í árásinni og fer á milli þess að vera við meðvitund og meðvitundarlaus. 

Samkvæmt frétt norska ríkisútvarpsins er talið að nokkrir hafi átt hlut að árásinni en enn hefur enginn verið handtekinn. 

Noregur

Mest lesið


Fleiri fréttir

Sjá meira


×

Mest lesið