Landeigendur vilja fá 20 þúsund krónur fyrir hverja lendingu Jakob Bjarnar skrifar 30. júní 2021 10:16 Tveir jafnfljótir hafa skilað tug þúsundum manna á gosstöðvarnar en fjöldi manna hefur farið þangað með þyrlu. Landeigendur vilja nú rukka fyrirtækin sem bjóða uppá þyrluferðir, um 20 þúsund krónur fyrir lendinguna að sögn lögmanns Norðurflugs. vísir/vilhelm Sigurður G. Guðjónsson lögmaður Norðurflugs segir komna glýju í augu landeigenda og lögbann á þyrlur fyrirtækisins sé spennandi lögfræðilegt álitaefni. Ferðaþjónustan er harðorð vegna áformanna. Eigendur jarðarinnar Hrauns á Reykjanesi hvar gýs vilja meina Norðurflugi að lenda þyrlum sínum á landinu. Í Fréttablaðinu er greint frá því að sýslumaður hafi sett lögbann að beiðni landeigenda en það gildir aðeins um þyrlu Norðurflugs. Þrjú eða fjögur þyrlufyrirtæki standa fyrir flugi á gosstað. Næsta skref í þessu máli er það að landeigendur verða að höfða staðfestingarmál við lögbanninu innan viku, annars fellur það niður. Samkvæmt heimildum Vísis fóru landeigendur upphaflega fram á það að fá 7,5 milljónir fyrir lendingar í tvær vikur. Þyrluferðir á gosslóðir hafa verið tíðar allt frá því að gosið hófst. Sýslumaður hefur hefur sett lögbann að beiðni landeigenda við lendingum á landinu en það gildir aðeins um þyrlu Norðurflugs.vísir/vilhelm Sigurður G. Guðjónsson segir að krafa landeigenda sé að fá 20 þúsund krónur á hverja lendingu. Það þykir honum og Norðurflugi vel í lagt. Hann segir að frá upphafi hafi verið reynt að semja við landeigendur en hann segir að verðið verði að vera í einhverjum takti við það sem eðlilegt megi teljast. Til að mynda að teknu tilliti til aðstöðu en þarna er verið að lenda á hólum og melum í námunda við gosið. Til samanburðar kostar lending á Reykjavíkurflugvelli þar sem veitt er full þjónusta fyrir þyrlu á bilinu 4,500 til 5,500 krónur. „Það verður að vera eitthvert samræmi í hlutunum. En þá halda landeigendur því fram að þeir séu að selja inn á viðburð?“ segir Sigurður sem segir það spennandi lögfræðilegt álitaefni. Og spyr hvort til að mynda Skógarfoss sé viðburður? Eða hvort landeigendur eigi eldgosið? Þeir beri enga ábyrgð á því tjóni sem það kann að valda, það sé nokkuð sem lendi á ríkinu – mér og þér. Hvar liggja mörkin spyr lögmaðurinn Að sögn Sigurðar eru þyrluferðir tíðar á gosstöðvarnar. Þetta séu um fjögur fyrirtæki sem standa fyrir flugi þangað og eitt þeirra hafi þegar samið við landeigendur, sem mun vera Helo. Gjald þeirra er að sögn Sigurðar 57 þúsund krónur í samanburði við 44 þúsund hjá Norðurflugi. Það sé þannig ljóst að þetta lendingagjald lendi beint á farþegunum. Og þá vakni siðferðilegar spurningar um hvort það eigi bara að vera á færi hinna ríku að fljúga á gosslóðir. En vinsælt sé að gefa eldra fólki og þeim sem geta ekki gengið á staðinn slíkar ferðir í afmælisgjöf. „Lögbannið var lagt á af því að menn mega ekki lenda flugförum inni á eignarlandi nema með samþykki viðkomandi landeigenda,“ segir Óskar Sigurðsson, lögmaður landeigendanna í samtali við Fréttablaðið. Hann segir slíkt ekki hluta af þeim almannarétti sem Sigurður vísar til varðandi ferðir um landið, enginn sé að amast við frjálsri för almennings sem nýtur verndar í náttúruverndarlögum. Sigurður G. Guðjónsson er lögmaður Norðurflugs og hann segir málið alls ekki eins einfalt og lögmaður eigenda jarðarinnar Hrauns vill vera láta. Sigurður segir þetta ekki alveg svo einfalt. Ríkið hafi verið að leggja fé í aðgengismál. „Hvað ef fólk kemur á langferðarbílum, er þá hægt að rukka fólk um að ganga um landið, sem ekki er hægt samkvæmt lögum. Ef rúta kemur með helling af fólki, ætla þeir þá að selja inn á landið en ef þú kemur á einkabíl ekki? Hugmyndin er sú að það megi enginn græða á því að láta fólk sjá eldgosið. Eða tryggja að einhver einn hafi einkarétt á að flytja fólk að svæðinu. En ef þú kemur fljúgandi, þá getir þú rukkað þann sem lendir á landinu án þess að trufla þig nokkurn skapaðan hlut. Það er almannaréttur að ferðast, hvar liggja mörkin?“ Gosið peningamaskína fyrir eigendur jarðarinnar? Sigurður bendir á deiluna um Geysi þar sem landeigandi vildi rukka en ríkið, sem einnig átti land þar, ekki. „Þarna takast á þessi sjónarmið. Auðvitað ber maður virðingu fyrir eignarrétti og að eigendur hafi öll yfirráð en hversu langt getur þú gengið í að stöðva aðgengi að eldgosi? Allt tjón sem getur orðið af þessu gosi lendir á ríkinu. Varla er hægt að líta á það sem peningamaskínu fyrir fólk sem ekki býr á þessari jörð, það er ekki verið að lenda á túnum.“ Sigurður spyr hvar eigi að setja mörkin. Er hægt að banna þyrlum að lenda í óbyggðum þó þar sé til staðar eignarréttur? „Það var komin glýja í augu landeigenda strax í mars,“ segir Sigurður inntur eftir því hvort þarna sé ekki um óheyrilegar fjárhæðir að ræða að teknu tilliti til fjölda þyrluferða á gosslóðir. Þær ferðir eru háðar veðri en á góðviðrisdögum er stríður straumur á staðinn. Eigendur jarðarinnar Hrauns vilja selja jörðina og lögmaðurinn segir að betra sé að selja ef fyrirliggjandi eru samningar sem skapi eigendum drjúgar tekjur. Ferðaþjónustan fordæmir fyrirhugaða gjaldtöku Samtök ferðaþjónustunnar hafa sent frá sér harðorða yfirlýsingu þar sem varað er eindregið við gjaldtöku af hálfu landeigenda auk þess sem vafi leiki á um lögmæti þess. Í ályktun SAF er bent á að Norðurflug hafi leitað samninga við landeigendur án árangurs og en ljóst sé að aðila greinir verulega á um hvað sé eðlilegt og sanngjarnt gjald fyrir afnot af landinu sem um ræðir. Bjarnheiður Hallsdóttir, formaður Samtaka ferðaþjónustunnar.Vísir/Egill „Í málinu er óumdeilt að engin aðstaða eða þjónusta er til staðar af hálfu landeigenda sem skuli vera andlag umræddrar gjaldtöku. Þá er eðlilegt að spyrja hver ábyrgð landeigenda er varðandi öryggi á svæðinu í tengslum við gjaldtöku,“ segir í yfirlýsingu SAF. „Samtök ferðaþjónustunnar telja augljóst að hvorki geti talist sanngjarnt né eðlilegt að gjald fyrir lendingar á óræktuðu og óbyggðu landi, þar sem engin aðstaða eða þjónusta er til staðar, sé margfalt hærra en gjald fyrir lendingar á uppbyggðum flugvelli með tilheyrandi þjónustu. Samtökin vara sterklega við því, eins og það er orðað, að lög séu túlkuð með þeim hætti að landeigendur geti krafið ferðaþjónustuaðila um háar upphæðir að eigin vali fyrir afnot af óræktuðu og óbyggðu landi sem hvorki valda tjóni né röskun á nytjum eigenda.“ Fréttin hefur verið uppfærð með yfirlýsingu SAF. Eldgos í Fagradalsfjalli Jarðhræringar á Reykjanesi Dómsmál Fréttir af flugi Grindavík Tengdar fréttir SAF vara eindregið við óhóflegri og einhliða gjaldtöku landeigenda Samtök ferðaþjónustunnar hafa sent frá sér harðorða yfirlýsingu þar sem varað er eindregið við gjaldtöku af hálfu landeigenda auk þess sem vafi leiki á um lögmæti þess. 30. júní 2021 11:11 Fá lögbann á lendingar þyrla Norðurflugs Þyrlufyrirtækið Norðurflug má ekki lengur lenda með ferðamenn við gossvæðið í Geldingadölum. Þetta ákvað sýslumaðurinn á Suðurnesjum í gær og setti lögbann við lendingum frá fyrirtækinu. 30. júní 2021 07:01 Mest lesið Rússneskur kafbátur í fylgd sænska hersins Erlent Viðkvæmur friður þegar í hættu? Erlent Dónatal í desember Erlent Nærliggjandi hús rýmt þegar eldur kom upp á Ásbrú í morgun Innlent Vildu bregðast við sterku ákalli fólks sem hafði misst skyndilega Innlent Nafngreindi rangan mann í frétt og dæmdur fyrir meiðyrði Innlent Mosfellsbær tæki gjarnan við peningunum sem Tjörneshreppur afþakkar Innlent „Þessi málaflokkur er bara í drasli“ Innlent Danir stórefla varnir Grænlands með freigátum og orustuþotum Innlent Vilja þjóðfund um menntamál og framtíð landsins Innlent Fleiri fréttir Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Nafngreindi rangan mann í frétt og dæmdur fyrir meiðyrði Mosfellsbær tæki gjarnan við peningunum sem Tjörneshreppur afþakkar Danir stórefla varnir Grænlands með freigátum og orustuþotum Mannránstilraun í Kongó og tvöföld áramót meðal eftirminnilegustu ferðaævintýra Katrínar Lítill skjálfti við Ingólfsfjall Vill leiða Miðflokkinn í Kópavogi Skora á stjórnvöld að beita sér fyrir styttri bið eftir geislameðferð Erlendir aðilar stofna fölsk íslensk lén í annarlegum tilgangi Rýnt í áhrif stóra vaxtamálsins Velti fyrir sér „hvaða vitleysingur væri að skrifa bara eitthvað“ Vill heldur sjá langtímasamninga um framlög fyrir „samtök úti í bæ” „Auðvitað er hann velkominn hingað til Íslands“ Óútgefnum handritum stolið: Kallaði rithöfundinn skíthaus Loka fyrir kalt vatn í Salahverfi annað kvöld „Mjög slæmt og erfitt að horfa upp á svona“ Minniháttar eldur í Nytjamarkaði á Selfossi Afþakka „fáránlegt“ 250 milljóna framlag Jöfnunarsjóðs Verkfall yfirvofandi hjá flugumferðarstjórum og stórbruni á Siglufirði Aftur á fjöllum og í veiði á fjórhjóli fyrir fólk með skerta hreyfigetu Átján ára veitti manni „langan og djúpan gapandi skurð“ Kókaín, MDMA og mikið magn ketamíns í Norrænu Flugumferðarstjórar boða vinnustöðvun Meirihluti hlynntur aðskilnaði ríkis og kirkju Aldrei færri á móti olíuleit vegna náttúruverndarsjónarmiða Sjá meira
Eigendur jarðarinnar Hrauns á Reykjanesi hvar gýs vilja meina Norðurflugi að lenda þyrlum sínum á landinu. Í Fréttablaðinu er greint frá því að sýslumaður hafi sett lögbann að beiðni landeigenda en það gildir aðeins um þyrlu Norðurflugs. Þrjú eða fjögur þyrlufyrirtæki standa fyrir flugi á gosstað. Næsta skref í þessu máli er það að landeigendur verða að höfða staðfestingarmál við lögbanninu innan viku, annars fellur það niður. Samkvæmt heimildum Vísis fóru landeigendur upphaflega fram á það að fá 7,5 milljónir fyrir lendingar í tvær vikur. Þyrluferðir á gosslóðir hafa verið tíðar allt frá því að gosið hófst. Sýslumaður hefur hefur sett lögbann að beiðni landeigenda við lendingum á landinu en það gildir aðeins um þyrlu Norðurflugs.vísir/vilhelm Sigurður G. Guðjónsson segir að krafa landeigenda sé að fá 20 þúsund krónur á hverja lendingu. Það þykir honum og Norðurflugi vel í lagt. Hann segir að frá upphafi hafi verið reynt að semja við landeigendur en hann segir að verðið verði að vera í einhverjum takti við það sem eðlilegt megi teljast. Til að mynda að teknu tilliti til aðstöðu en þarna er verið að lenda á hólum og melum í námunda við gosið. Til samanburðar kostar lending á Reykjavíkurflugvelli þar sem veitt er full þjónusta fyrir þyrlu á bilinu 4,500 til 5,500 krónur. „Það verður að vera eitthvert samræmi í hlutunum. En þá halda landeigendur því fram að þeir séu að selja inn á viðburð?“ segir Sigurður sem segir það spennandi lögfræðilegt álitaefni. Og spyr hvort til að mynda Skógarfoss sé viðburður? Eða hvort landeigendur eigi eldgosið? Þeir beri enga ábyrgð á því tjóni sem það kann að valda, það sé nokkuð sem lendi á ríkinu – mér og þér. Hvar liggja mörkin spyr lögmaðurinn Að sögn Sigurðar eru þyrluferðir tíðar á gosstöðvarnar. Þetta séu um fjögur fyrirtæki sem standa fyrir flugi þangað og eitt þeirra hafi þegar samið við landeigendur, sem mun vera Helo. Gjald þeirra er að sögn Sigurðar 57 þúsund krónur í samanburði við 44 þúsund hjá Norðurflugi. Það sé þannig ljóst að þetta lendingagjald lendi beint á farþegunum. Og þá vakni siðferðilegar spurningar um hvort það eigi bara að vera á færi hinna ríku að fljúga á gosslóðir. En vinsælt sé að gefa eldra fólki og þeim sem geta ekki gengið á staðinn slíkar ferðir í afmælisgjöf. „Lögbannið var lagt á af því að menn mega ekki lenda flugförum inni á eignarlandi nema með samþykki viðkomandi landeigenda,“ segir Óskar Sigurðsson, lögmaður landeigendanna í samtali við Fréttablaðið. Hann segir slíkt ekki hluta af þeim almannarétti sem Sigurður vísar til varðandi ferðir um landið, enginn sé að amast við frjálsri för almennings sem nýtur verndar í náttúruverndarlögum. Sigurður G. Guðjónsson er lögmaður Norðurflugs og hann segir málið alls ekki eins einfalt og lögmaður eigenda jarðarinnar Hrauns vill vera láta. Sigurður segir þetta ekki alveg svo einfalt. Ríkið hafi verið að leggja fé í aðgengismál. „Hvað ef fólk kemur á langferðarbílum, er þá hægt að rukka fólk um að ganga um landið, sem ekki er hægt samkvæmt lögum. Ef rúta kemur með helling af fólki, ætla þeir þá að selja inn á landið en ef þú kemur á einkabíl ekki? Hugmyndin er sú að það megi enginn græða á því að láta fólk sjá eldgosið. Eða tryggja að einhver einn hafi einkarétt á að flytja fólk að svæðinu. En ef þú kemur fljúgandi, þá getir þú rukkað þann sem lendir á landinu án þess að trufla þig nokkurn skapaðan hlut. Það er almannaréttur að ferðast, hvar liggja mörkin?“ Gosið peningamaskína fyrir eigendur jarðarinnar? Sigurður bendir á deiluna um Geysi þar sem landeigandi vildi rukka en ríkið, sem einnig átti land þar, ekki. „Þarna takast á þessi sjónarmið. Auðvitað ber maður virðingu fyrir eignarrétti og að eigendur hafi öll yfirráð en hversu langt getur þú gengið í að stöðva aðgengi að eldgosi? Allt tjón sem getur orðið af þessu gosi lendir á ríkinu. Varla er hægt að líta á það sem peningamaskínu fyrir fólk sem ekki býr á þessari jörð, það er ekki verið að lenda á túnum.“ Sigurður spyr hvar eigi að setja mörkin. Er hægt að banna þyrlum að lenda í óbyggðum þó þar sé til staðar eignarréttur? „Það var komin glýja í augu landeigenda strax í mars,“ segir Sigurður inntur eftir því hvort þarna sé ekki um óheyrilegar fjárhæðir að ræða að teknu tilliti til fjölda þyrluferða á gosslóðir. Þær ferðir eru háðar veðri en á góðviðrisdögum er stríður straumur á staðinn. Eigendur jarðarinnar Hrauns vilja selja jörðina og lögmaðurinn segir að betra sé að selja ef fyrirliggjandi eru samningar sem skapi eigendum drjúgar tekjur. Ferðaþjónustan fordæmir fyrirhugaða gjaldtöku Samtök ferðaþjónustunnar hafa sent frá sér harðorða yfirlýsingu þar sem varað er eindregið við gjaldtöku af hálfu landeigenda auk þess sem vafi leiki á um lögmæti þess. Í ályktun SAF er bent á að Norðurflug hafi leitað samninga við landeigendur án árangurs og en ljóst sé að aðila greinir verulega á um hvað sé eðlilegt og sanngjarnt gjald fyrir afnot af landinu sem um ræðir. Bjarnheiður Hallsdóttir, formaður Samtaka ferðaþjónustunnar.Vísir/Egill „Í málinu er óumdeilt að engin aðstaða eða þjónusta er til staðar af hálfu landeigenda sem skuli vera andlag umræddrar gjaldtöku. Þá er eðlilegt að spyrja hver ábyrgð landeigenda er varðandi öryggi á svæðinu í tengslum við gjaldtöku,“ segir í yfirlýsingu SAF. „Samtök ferðaþjónustunnar telja augljóst að hvorki geti talist sanngjarnt né eðlilegt að gjald fyrir lendingar á óræktuðu og óbyggðu landi, þar sem engin aðstaða eða þjónusta er til staðar, sé margfalt hærra en gjald fyrir lendingar á uppbyggðum flugvelli með tilheyrandi þjónustu. Samtökin vara sterklega við því, eins og það er orðað, að lög séu túlkuð með þeim hætti að landeigendur geti krafið ferðaþjónustuaðila um háar upphæðir að eigin vali fyrir afnot af óræktuðu og óbyggðu landi sem hvorki valda tjóni né röskun á nytjum eigenda.“ Fréttin hefur verið uppfærð með yfirlýsingu SAF.
Eldgos í Fagradalsfjalli Jarðhræringar á Reykjanesi Dómsmál Fréttir af flugi Grindavík Tengdar fréttir SAF vara eindregið við óhóflegri og einhliða gjaldtöku landeigenda Samtök ferðaþjónustunnar hafa sent frá sér harðorða yfirlýsingu þar sem varað er eindregið við gjaldtöku af hálfu landeigenda auk þess sem vafi leiki á um lögmæti þess. 30. júní 2021 11:11 Fá lögbann á lendingar þyrla Norðurflugs Þyrlufyrirtækið Norðurflug má ekki lengur lenda með ferðamenn við gossvæðið í Geldingadölum. Þetta ákvað sýslumaðurinn á Suðurnesjum í gær og setti lögbann við lendingum frá fyrirtækinu. 30. júní 2021 07:01 Mest lesið Rússneskur kafbátur í fylgd sænska hersins Erlent Viðkvæmur friður þegar í hættu? Erlent Dónatal í desember Erlent Nærliggjandi hús rýmt þegar eldur kom upp á Ásbrú í morgun Innlent Vildu bregðast við sterku ákalli fólks sem hafði misst skyndilega Innlent Nafngreindi rangan mann í frétt og dæmdur fyrir meiðyrði Innlent Mosfellsbær tæki gjarnan við peningunum sem Tjörneshreppur afþakkar Innlent „Þessi málaflokkur er bara í drasli“ Innlent Danir stórefla varnir Grænlands með freigátum og orustuþotum Innlent Vilja þjóðfund um menntamál og framtíð landsins Innlent Fleiri fréttir Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Nafngreindi rangan mann í frétt og dæmdur fyrir meiðyrði Mosfellsbær tæki gjarnan við peningunum sem Tjörneshreppur afþakkar Danir stórefla varnir Grænlands með freigátum og orustuþotum Mannránstilraun í Kongó og tvöföld áramót meðal eftirminnilegustu ferðaævintýra Katrínar Lítill skjálfti við Ingólfsfjall Vill leiða Miðflokkinn í Kópavogi Skora á stjórnvöld að beita sér fyrir styttri bið eftir geislameðferð Erlendir aðilar stofna fölsk íslensk lén í annarlegum tilgangi Rýnt í áhrif stóra vaxtamálsins Velti fyrir sér „hvaða vitleysingur væri að skrifa bara eitthvað“ Vill heldur sjá langtímasamninga um framlög fyrir „samtök úti í bæ” „Auðvitað er hann velkominn hingað til Íslands“ Óútgefnum handritum stolið: Kallaði rithöfundinn skíthaus Loka fyrir kalt vatn í Salahverfi annað kvöld „Mjög slæmt og erfitt að horfa upp á svona“ Minniháttar eldur í Nytjamarkaði á Selfossi Afþakka „fáránlegt“ 250 milljóna framlag Jöfnunarsjóðs Verkfall yfirvofandi hjá flugumferðarstjórum og stórbruni á Siglufirði Aftur á fjöllum og í veiði á fjórhjóli fyrir fólk með skerta hreyfigetu Átján ára veitti manni „langan og djúpan gapandi skurð“ Kókaín, MDMA og mikið magn ketamíns í Norrænu Flugumferðarstjórar boða vinnustöðvun Meirihluti hlynntur aðskilnaði ríkis og kirkju Aldrei færri á móti olíuleit vegna náttúruverndarsjónarmiða Sjá meira
SAF vara eindregið við óhóflegri og einhliða gjaldtöku landeigenda Samtök ferðaþjónustunnar hafa sent frá sér harðorða yfirlýsingu þar sem varað er eindregið við gjaldtöku af hálfu landeigenda auk þess sem vafi leiki á um lögmæti þess. 30. júní 2021 11:11
Fá lögbann á lendingar þyrla Norðurflugs Þyrlufyrirtækið Norðurflug má ekki lengur lenda með ferðamenn við gossvæðið í Geldingadölum. Þetta ákvað sýslumaðurinn á Suðurnesjum í gær og setti lögbann við lendingum frá fyrirtækinu. 30. júní 2021 07:01