Svartur listi í dönsku ráðuneyti Ólafur Ísleifsson skrifar 28. mars 2021 09:00 Fyrr í þessum mánuði tóku gildi í Danmörku lög um varnir gagnvart erlendum öfgaöflum sem Danir telja grafa undan dönsku samfélagi. Danskir þingmenn úr flestum stjórnmálaflokkum greiddu frumvarpi dönsku jafnaðarmannastjórnarinnar atkvæði sitt. Lögin leggja bann við því að taka við fé eða annars konar stuðningi frá erlendum aðilum sem taldir eru varasamir. Fjárstyrkir gegn lýðræði og mannréttindum Markmið hinna dönsku laga er að leggja bann við að einstaklingar eða lögaðilar, þar á meðal stjórnvöld erlendra ríkja eða stofnanir og fyrirtæki á þeirra vegum geti unnið gegn eða grafið undan lýðræði og mannréttindum með því að veita fjárframlög til innlendra aðila. Bannlisti í krataráðuneyti Danska útlendinga- og aðlögunarráðuneytinu er falið að gera lista um ríkisstjórnir, ríkisstofnanir eða aðra slíka sem taldir eru vinna gegn dönskum grundvallargildum um lýðræði og mannréttindi og þar með dönsku samfélagi. Bann er lagt við því að þiggja fjárframlög eða annan stuðning frá slíkum aðilum umfram jafngildi 200 þúsund íslenskra króna á ári. Þeir sem brjóta gegn banninu skulu greiða sekt og endurgreiða féð. Breið samstaða var um frumvarpið. Þingmenn sjö flokka greiddu því atkvæði, alls 79 talsins, á móti voru níu og sjö sátu hjá. Lögin tóku gildi 15. mars 2021. Sádi-Arabía, Katar og Tyrkland eru meðal þeirra ríkja sem talin eru eiga greiða leið á listann. Dönsku samfélagi ógnað af myrkum öflum Í lögunum er hvergi minnst á trúarsöfnuði eða samkomuhús þeirra. Danskir stjórnmálamenn tala þó enga tæpitungu þegar þeir fagna samþykkt frumvarpsins. Á vefsíðu danska útlendinga- og aðlögunarráðuneytisins er í frétt um málið 9. mars sl. haft eftir jafnaðarmanninum Mattias Tesfaye, ráðherra málaflokksins, að erlendis fyrirfinnist öfgaöfl sem leitist við að snúa múslimskum samborgurum gegn Danmörku og þar með kljúfa danskt samfélag. Hann segir fjölmiðla ítrekað hafa flutt fréttir á liðnum árum um danskar moskur sem þegið hafi háar fjárhæðir frá m.a. Mið-Austurlöndum. Þessu vilji ríkisstjórnin vinna gegn. Á vefsíðu ráðuneytisins kemur fram í frétt frá 7. febrúar sl. að málið eigi sér rót í samkomulagi sex stjórnmálaflokka og nú komi í hlut ríkisstjórnar jafnaðarmanna að ljúka meðferð þess á þjóðþinginu. Vitnað er til forystumanna í nokkrum þessara flokka sem tala með líkum hætti og tilvitnuð orð ráðherrans hér að ofan bera vott um. Haft er eftir Piu Kjærsgaard, forystukonu í danska þjóðarflokknum (þangað sem kratarnir sóttu stefnu sína í málaflokknum), að formyrkvaðar ríkisstjórnir Mið-Austurlanda megi að sjálfsögðu ekki senda peninga í moskur eða kóranskóla í Danmörku til að grafa undan dönskum gildum. Þess vegna fagni þau þessu inngripi og hlakki til að stöðva árásir á lýðræðið sem stafa m.a. frá öfgafullum moskum. „Við munum að sjálfsögðu aldrei samþykkja árásir á okkar friðsamlega samfélag og lýðræði”, segir Pia. Talsmaður mið-hægriflokksins Venstre, Mads Fuglede, segir að flokksmenn hans séu mjög ánægðir með að breiður stuðningur liggi að baki málinu sem upphófst í stjórnartíð þess flokks. „Við berum pólitíska ábyrgð á að gæta Danmerkur. Og það gerum við best með því að banna framlög frá myrkum öflum sem vilja grafa undan lýðræði í landi okkar”, segir hann. Sýnist sem danskir stjórnmálamenn hafi lyft kyndli til að lýsa upp myrkrið sem þeir telja steðja að Danmörku. Milljarðar í moskur Í stefnuyfirlýsingu danskra jafnaðarmanna í útlendingamálum segir í kaflanum Hin nýja frelsisbarátta (Den nye frihedskamp) að danskir jafnaðarmenn vilji að algjört bann verði lagt við erlendum fjárstuðningi við trúarsamfélög í Danmörku frá ríkjum sem sjálf hvorki virða né ástunda trúfrelsi. Dagblaðið Berlingske greindi frá því í janúar 2020 að Sádi-Arabía hefði með milligöngu sendiráðs síns í Danmörku lagt fram nærfellt 100 milljónir íslenskra króna til Taiba-moskunnar í Nörrebro-hverfinu. Stórmoska Kaupmannahafnar var opnuð í júní 2014 með meðlagi upp á jafngildi 4,5 milljarða íslenskra króna frá Hamad bin Khalifa al Thani, fyrrum emír í Katar. Sendiherra Sádi-Arabíu kom Ólafi Ragnari í opna skjöldu Ríkisútvarpið greindi frá því 22. nóvember 2015 að Ólafur Ragnar Grímsson forseti Íslands hafi sagt það hafa komið honum í opna skjöldu þegar sendiherra Sádi-Arabíu greindi frá fyrirætlunum Sádi-Araba um að styrkja byggingu mosku hér á landi. Í fréttinni segir: „Hann geldur varhug við því“. Haft er eftir Ólafi Ragnari: „Við erum með lög í landinu sem banna erlendum aðilum að leggja fé í stjórnmálastarf á Íslandi. Og það hefur verið breið pólitísk samstaða um slíkt bann. Og með líkum hætti finnst mér óeðlilegt að ríki eins og Sádi-Arabía skuli hafa fullt frelsi til þess að blanda sér með fjármunum og íhlutunum af hálfum sendiráðsins í trúariðkun á Íslandi.“ Á ykkar fundi á Bessastöðum, þegar hann tilkynnti þér þetta, mótmæltir þú þá þessum fyrirætlunum þeirra? „Ég gerði það nú ekki á þeim fundi, vegna þess að þetta kom mér satt að segja í svo opna skjöldu, og var undir lok fundarins, að ég vissi eiginlega ekki með hvaða hætti ætti að bregðast við. Þannig að ég varð eiginlega bara svo hissa, og svo lamaður, við þessa yfirlýsingu, að ég tók bara á móti henni, og settist svo niður og hugleiddi hana og taldi svo rétt að segja frá henni, eins og ég gerði.“ Komið upp að okkar ströndum? Danir hafa lögleitt bann við fjárframlögum í því skyni sem rakið er eins og margar Evrópuþjóðir hafa leitast við að gera með ýmsum hætti. Við höfum reynslu frá árinu 2015 þegar forseta Íslands var sýnilega brugðið vegna yfirlýsingar sendiherra Sádi-Arabíu um fjárframlög hingað til lands. Við þurfum kannski að hugsa okkar ráð í þessu efni? Höfundur er alþingismaður Miðflokksins. Viltu birta grein á Vísi? Sendu okkur póst. Senda grein Ólafur Ísleifsson Miðflokkurinn Skoðun: Kosningar 2021 Mest lesið Líf eftir afplánun Eva Sóley Kristjánsdóttir Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun Fáni okkar allra Hörður Lárusson Skoðun Ég hef… Karólína Helga Símonardóttir Skoðun Séríslensk hávaxtastefna Sigurjón Þórðarson Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun Mér var sagt að þegja á meðan fréttatíminn var Haukur Brynjarsson Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun Pyrrosar sigur Helgi Tómasson Skoðun Skoðun Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar Skoðun Ólögleg veðmálastarfsemi á Íslandi Hákon Skúlason skrifar Skoðun Bætum fleiri stólum við borðið Ingibjörg Lilja Þórmundsdóttir skrifar Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar Skoðun Pyrrosar sigur Helgi Tómasson skrifar Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar Skoðun Mér var sagt að þegja á meðan fréttatíminn var Haukur Brynjarsson skrifar Skoðun Allt fyrir Brussel og Nató, hitt reddast einhvern veginn Davíð Bergmann skrifar Skoðun Forljót grá hús Hjalti Andrason skrifar Skoðun Líf eftir afplánun Eva Sóley Kristjánsdóttir skrifar Skoðun Fáni okkar allra Hörður Lárusson skrifar Skoðun Séríslensk hávaxtastefna Sigurjón Þórðarson skrifar Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar Skoðun Ég hef… Karólína Helga Símonardóttir skrifar Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar Skoðun Er yfirvöldum alveg sama um fólk á bifhjólum? Njáll Gunnlaugsson skrifar Skoðun Ekki mamman í hópnum - leiðtoginn í hópnum Katrín Ásta Sigurjónsdóttir skrifar Skoðun Rannsóknarnefnd styrjalda Gunnar Einarsson skrifar Skoðun Börn eiga ekki heima í fangelsi Tótla I. Sæmundsdóttir skrifar Skoðun Aðförin að einkabílnum eða bara meira frelsi? Kristín Hrefna Halldórsdóttir skrifar Skoðun Kvöld sem er ekki bara fyrir börnin Alicja Lei skrifar Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar Skoðun Málið er dautt (A Modest Proposal) skrifar Skoðun Femínísk utanríkisstefna: aukin samstaða og aðgerðir Guillaume Bazard skrifar Skoðun Hagsmunir flugrekstrar á Íslandi eru miklir Jóhannes Bjarni Guðmundsson skrifar Skoðun Þjónn, það er bakslag í beinasoðinu mínu Hlédís Maren Guðmundsdóttir skrifar Skoðun Samhljómur á meðal ÍSÍ og Íslandsspila um endursköpun spilaumhverfisins Ingvar Örn Ingvarsson skrifar Skoðun Kvennabarátta á tímum bakslags Tatjana Latinovic skrifar Skoðun Líttupp - ertu að missa af einhverju? Skúli Bragi Geirdal skrifar Sjá meira
Fyrr í þessum mánuði tóku gildi í Danmörku lög um varnir gagnvart erlendum öfgaöflum sem Danir telja grafa undan dönsku samfélagi. Danskir þingmenn úr flestum stjórnmálaflokkum greiddu frumvarpi dönsku jafnaðarmannastjórnarinnar atkvæði sitt. Lögin leggja bann við því að taka við fé eða annars konar stuðningi frá erlendum aðilum sem taldir eru varasamir. Fjárstyrkir gegn lýðræði og mannréttindum Markmið hinna dönsku laga er að leggja bann við að einstaklingar eða lögaðilar, þar á meðal stjórnvöld erlendra ríkja eða stofnanir og fyrirtæki á þeirra vegum geti unnið gegn eða grafið undan lýðræði og mannréttindum með því að veita fjárframlög til innlendra aðila. Bannlisti í krataráðuneyti Danska útlendinga- og aðlögunarráðuneytinu er falið að gera lista um ríkisstjórnir, ríkisstofnanir eða aðra slíka sem taldir eru vinna gegn dönskum grundvallargildum um lýðræði og mannréttindi og þar með dönsku samfélagi. Bann er lagt við því að þiggja fjárframlög eða annan stuðning frá slíkum aðilum umfram jafngildi 200 þúsund íslenskra króna á ári. Þeir sem brjóta gegn banninu skulu greiða sekt og endurgreiða féð. Breið samstaða var um frumvarpið. Þingmenn sjö flokka greiddu því atkvæði, alls 79 talsins, á móti voru níu og sjö sátu hjá. Lögin tóku gildi 15. mars 2021. Sádi-Arabía, Katar og Tyrkland eru meðal þeirra ríkja sem talin eru eiga greiða leið á listann. Dönsku samfélagi ógnað af myrkum öflum Í lögunum er hvergi minnst á trúarsöfnuði eða samkomuhús þeirra. Danskir stjórnmálamenn tala þó enga tæpitungu þegar þeir fagna samþykkt frumvarpsins. Á vefsíðu danska útlendinga- og aðlögunarráðuneytisins er í frétt um málið 9. mars sl. haft eftir jafnaðarmanninum Mattias Tesfaye, ráðherra málaflokksins, að erlendis fyrirfinnist öfgaöfl sem leitist við að snúa múslimskum samborgurum gegn Danmörku og þar með kljúfa danskt samfélag. Hann segir fjölmiðla ítrekað hafa flutt fréttir á liðnum árum um danskar moskur sem þegið hafi háar fjárhæðir frá m.a. Mið-Austurlöndum. Þessu vilji ríkisstjórnin vinna gegn. Á vefsíðu ráðuneytisins kemur fram í frétt frá 7. febrúar sl. að málið eigi sér rót í samkomulagi sex stjórnmálaflokka og nú komi í hlut ríkisstjórnar jafnaðarmanna að ljúka meðferð þess á þjóðþinginu. Vitnað er til forystumanna í nokkrum þessara flokka sem tala með líkum hætti og tilvitnuð orð ráðherrans hér að ofan bera vott um. Haft er eftir Piu Kjærsgaard, forystukonu í danska þjóðarflokknum (þangað sem kratarnir sóttu stefnu sína í málaflokknum), að formyrkvaðar ríkisstjórnir Mið-Austurlanda megi að sjálfsögðu ekki senda peninga í moskur eða kóranskóla í Danmörku til að grafa undan dönskum gildum. Þess vegna fagni þau þessu inngripi og hlakki til að stöðva árásir á lýðræðið sem stafa m.a. frá öfgafullum moskum. „Við munum að sjálfsögðu aldrei samþykkja árásir á okkar friðsamlega samfélag og lýðræði”, segir Pia. Talsmaður mið-hægriflokksins Venstre, Mads Fuglede, segir að flokksmenn hans séu mjög ánægðir með að breiður stuðningur liggi að baki málinu sem upphófst í stjórnartíð þess flokks. „Við berum pólitíska ábyrgð á að gæta Danmerkur. Og það gerum við best með því að banna framlög frá myrkum öflum sem vilja grafa undan lýðræði í landi okkar”, segir hann. Sýnist sem danskir stjórnmálamenn hafi lyft kyndli til að lýsa upp myrkrið sem þeir telja steðja að Danmörku. Milljarðar í moskur Í stefnuyfirlýsingu danskra jafnaðarmanna í útlendingamálum segir í kaflanum Hin nýja frelsisbarátta (Den nye frihedskamp) að danskir jafnaðarmenn vilji að algjört bann verði lagt við erlendum fjárstuðningi við trúarsamfélög í Danmörku frá ríkjum sem sjálf hvorki virða né ástunda trúfrelsi. Dagblaðið Berlingske greindi frá því í janúar 2020 að Sádi-Arabía hefði með milligöngu sendiráðs síns í Danmörku lagt fram nærfellt 100 milljónir íslenskra króna til Taiba-moskunnar í Nörrebro-hverfinu. Stórmoska Kaupmannahafnar var opnuð í júní 2014 með meðlagi upp á jafngildi 4,5 milljarða íslenskra króna frá Hamad bin Khalifa al Thani, fyrrum emír í Katar. Sendiherra Sádi-Arabíu kom Ólafi Ragnari í opna skjöldu Ríkisútvarpið greindi frá því 22. nóvember 2015 að Ólafur Ragnar Grímsson forseti Íslands hafi sagt það hafa komið honum í opna skjöldu þegar sendiherra Sádi-Arabíu greindi frá fyrirætlunum Sádi-Araba um að styrkja byggingu mosku hér á landi. Í fréttinni segir: „Hann geldur varhug við því“. Haft er eftir Ólafi Ragnari: „Við erum með lög í landinu sem banna erlendum aðilum að leggja fé í stjórnmálastarf á Íslandi. Og það hefur verið breið pólitísk samstaða um slíkt bann. Og með líkum hætti finnst mér óeðlilegt að ríki eins og Sádi-Arabía skuli hafa fullt frelsi til þess að blanda sér með fjármunum og íhlutunum af hálfum sendiráðsins í trúariðkun á Íslandi.“ Á ykkar fundi á Bessastöðum, þegar hann tilkynnti þér þetta, mótmæltir þú þá þessum fyrirætlunum þeirra? „Ég gerði það nú ekki á þeim fundi, vegna þess að þetta kom mér satt að segja í svo opna skjöldu, og var undir lok fundarins, að ég vissi eiginlega ekki með hvaða hætti ætti að bregðast við. Þannig að ég varð eiginlega bara svo hissa, og svo lamaður, við þessa yfirlýsingu, að ég tók bara á móti henni, og settist svo niður og hugleiddi hana og taldi svo rétt að segja frá henni, eins og ég gerði.“ Komið upp að okkar ströndum? Danir hafa lögleitt bann við fjárframlögum í því skyni sem rakið er eins og margar Evrópuþjóðir hafa leitast við að gera með ýmsum hætti. Við höfum reynslu frá árinu 2015 þegar forseta Íslands var sýnilega brugðið vegna yfirlýsingar sendiherra Sádi-Arabíu um fjárframlög hingað til lands. Við þurfum kannski að hugsa okkar ráð í þessu efni? Höfundur er alþingismaður Miðflokksins.
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun
Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar
Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar
Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar
Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar
Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar
Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar
Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar
Skoðun Samhljómur á meðal ÍSÍ og Íslandsspila um endursköpun spilaumhverfisins Ingvar Örn Ingvarsson skrifar
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson Skoðun