Pilturinn úrskurðaður í gæsluvarðhald

Sylvía Hall skrifar 24. apríl 2020 20:30

Pilturinn var úrskurðaður í gæsluvarðhald til 30. apríl. Vísir/vilhelm

Sautján ára piltur var úrskurðaður í sex daga gæsluvarðhald í Héraðsdómi Reykjavíkur í kvöld. Þetta kemur fram í tilkynningu frá lögreglu.

Pilturinn er grunaður um að hafa ráðist að öðrum með hníf og stungið hann í tvígang. Sá sem varð fyrir árásinni er einnig sautján ára og er nú á batavegi.

Árásin átti sér stað í Breiðholti síðdegis í gær og var fórnarlambið flutt á slysadeild.

Pilturinn er í gæsluvarðhaldi á grundvelli rannsóknarhagsmuna. Lögreglan á höfuðborgarsvæðinu rannsakar málið.

Lögreglumál Reykjavík

Tengdar fréttir

Meintur árásarmaður og þolandi ungir að árum

Lögreglan á höfuðborgarsvæðinu hefur nú til rannsóknar tvær mjög alvarlegar líkamsárásir, eina í Breiðholti síðdegis í gær og aðra sem gerð var í Kópavogi skömmu fyrir miðnætti.

24. apríl 2020 11:30

Tvær alvarlegar líkamsárásir á borði lögreglu

Lögregla á höfuðborgarsvæðinu hefur nú til rannsóknar tvær alvarlegar líkamsárásir, eina í Breiðholti síðdegis í gær og aðra sem gerð var í Kópavogi skömmu fyrir miðnætti.

24. apríl 2020 09:55

Í lífshættu eftir grófa líkamsárás í gærkvöldi: Lögregla hefur áhyggjur af þróuninni

Karlmaður á fimmtugsaldri er nú í lífshættu með mikla höfuðáverka eftir grófa líkamsárás í Kópavogi í gærkvöldi. Þá er unglingspiltur á spítala eftir að hafa verið stunginn tvisvar í lífshættulegri árás í gær.

24. apríl 2020 18:30