Erlent

Alvarlega særðir eftir skotárás í Berlín

Elín Margrét Böðvarsdóttir skrifar
Rannsókn málsins stendur yfir en ummerki eftir skotárásina má glögglega sjá á vettvangi. 
Rannsókn málsins stendur yfir en ummerki eftir skotárásina má glögglega sjá á vettvangi.  EPA/Clemens Bilan

Fjórir eru alvarlega særðir eftir skotárás í Kreuzberg-hverfi í Berlín í Þýskalandi í dag. Þungvopnaðir sérsveitarmenn hafa verið kallaðir út vegna málsins. Þeir sem særðust eru karlar á aldursbilinu 30 til 42 ára og hafa þeir allir verið fluttir á sjúkrahús.

Haft er eftir saksóknara á vef breska ríkisútvarpsins að meðlimir glæpagengja gætu borið ábyrgð á árásinni. Ekki er vitað hve margir árásarmennirnir eru.

Sjá má skemmdir eftir byssukúlurnar á byggingunni. EPA/CLEMENS BILAN

Teymi lögreglunnar sem rannsakar mannsdráp fer með rannsókn málsins. Samkvæmt tilkynningu frá lögreglu barst tilkynning frá almennum borgurum sem höfðu heyrt skotkvelli laust eftir klukkan fjögur í nótt að staðartíma.

Á ljósmyndum af vettvangi má sjá hvernig skemmdir hafa orðið eftir byssukúlur við inngang byggingar sem stendur andspænis höfuðstöðvum Sósíaldemókrataflokksins (SPD).

Lögregla kveðst ekki hafa upplýsingar um hversu margir árásarmenn hafi verið að verki.

Þýskaland

Mest lesið


Fleiri fréttir

Sjá meira


×

Mest lesið