Dag­skráin í dag: Bar­áttan um Kópa­vog, Pepsi Max Til­þrifin, Pepsi Max Mörkin og ítalski boltinn

Það er boðið til veislu á Stöð 2 Sport og hliðarrásum í dag. Við sýnum tvo leiki úr Pepsi Max deild karla, tvo leiki úr ítölsku úrvalsdeildinni sem og Pepsi Max Tilþrifin og Pepsi Max Mörkin eru á dagskrá.

Á Stöð 2 Sport verða tveir leikir í Pepsi Max deild karla sem og Pepsi Max Tilþrifin með Kjartani Atla Kjartanssyni á dagskrá.

ÍA fær Stjörnuna í heimsókn í fyrri leik dagsins. Skagamenn hafa verið mjög sveiflukenndir á þessari leiktíð en þeir unnu Val 4-1 á Hlíðarenda en töpuðu svo 6-2 fyrir Víkingum í Víkinni. Stjarnan hefur ekki enn tapað leik og vann frábæran 4-1 sigur á HK í síðustu umferð. Það má því reikna með mörkum á Skipaskaga í dag.

Síðari leikur kvöldsins er svo nágrannaslagur HK og Breiðabliks. Blikar hafa ekki unnið í síðustu fjórum leikjum og HK hefur aðeins unnið einn leik á leiktíðinni. Það má því reikna með að það verði barist til síðasta blóðdropa í Kórnum í kvöld.

Stöð 2 Sport 2

Tveir leikir í ítölsku úrvalsdeildinni eru á dagskrá á Stöð 2 Sport 2 í dag. Ítalíumeistarar Juventus mæta Udinese á útivelli í fyrri leik dagsins og geta svo gott sem tryggt sér titilinn með sigri. 

Í síðari leik dagsins mætast svo Lazio og Cagliari en heimamönnum hefur fatast flugið að undanförnu.

Stöð 2 Sport 3

Pepsi Max Mörkin eru á dagskrá í kvöld eins og alla aðra fimmtudaga. Helena Ólafsdóttir fær að venju til sín sérfræðinga til að fara yfir Pepsi Max deild kvenna og af nægu er að taka að þessu sinni. Breiðablik vann til að mynda Íslandsmeistara Vals 4-0 á dögunum.

Þátturinn er á dagskrá klukkan 20:00.

Stöð 2 Golf

Tvær beinar útsendingar eru á dagskrá í golfinu í dag. Við sýnum beint frá Evrópumótaröðinni sem og PGA-mótaröðinni.

Hér má sjá það sem er framundan í beinni hjá Stöð 2 Sport.

Hér má svo sjá dagskrá Stöðvar 2 Sport í dag sem og aðra daga vikunnar.