Erlent

John­son varði annarri nótt á gjör­gæslu

Atli Ísleifsson skrifar
Boris Johnson, forsætisráðherra Bretlands, dvelur nú á gjörgæsludeild St Thomas sjúkrahússins í London.
Boris Johnson, forsætisráðherra Bretlands, dvelur nú á gjörgæsludeild St Thomas sjúkrahússins í London. EPA

Boris Johnson, forsætisráðherra Bretlands, varði annarri nótt á gjörgæsludeild St. Thomas sjúkrahússins í Lundúnum, en hann var lagður þar inn í fyrradag vegna Covid-19-veikinda.

Samkvæmt upplýsingum frá skrifstofu forsætisráðuneytisins er Johnson undir nánu eftirliti lækna. Var haft eftir talsmanni Johnson í gærkvöldi að ástand forsætisráðherrans væri stöðugt og lundin létt.

Fram kom í gær að Johnson hefði ekki verið settur í öndunarvél en hefði þegið súrefni á sjúkrahúsinu.

Dominic Raab, utanríkisráðherra Bretlands, sagðist í gær vera sannfærður um að Johnson myndi jafna sig á veikindunum og lýsti forsætisráðherranum sem „baráttumanni“. 

Raab hefur tekið við hluta af skyldum forsætisráðherra í fjarveru Johnson.

Bretland Faraldur kórónuveiru (COVID-19)

Tengdar fréttir

Johnson í stöðugu ástandi

Tilkynnt var í dag að 786 hafi dáið vegna veirunnar á milli daga í Bretlandi og er það mikil aukning frá því á mánudaginn, þegar 439 höfðu dáið.

Leið­togar senda Boris John­son góða strauma

Stjórnmálaleiðtogar víðs vegar um heim hafa brugðist við fréttunum af því að Boris Johnson, forsætisráðherra Bretlands, hafi verið fluttur á gjörgæsludeild St Thomas sjúkrahússins þar sem hann nýtur aðhlynningar vegna Covid-19.

Mest lesið


Fleiri fréttir

Sjá meira


×

Mest lesið