Eins og heimsendir í bíómynd Kristín Ólafsdóttir skrifar 27. desember 2019 09:07 Himininn í Sydney sést hér litaður appelsínugulri birtu af eldunum rétt fyrir jól. Vísir/getty Íslensk kona sem búsett er í Sydney í Ástralíu lýsir ástandinu í borginni eins og heimsendi í bíómynd. Gríðarleg hitabylgja og gróðureldar geisa nú Ástralíu en stærsti eldurinn logar vestur af Sydney. Þá segist hún ekki muna eftir því að staðan hafi verið jafnslæm og nú. Kjarr- og skógareldar hafa geisað undanfarnar vikur og mánuði í Ástralíu. Viktoríufylki og Nýja Suður-Wales í suðausturhluta landsins hafa orðið hvað verst úti í eldunum. Nú þegar brenna um hundrað eldar víðsvegar um landið. „Sjokk“ þegar eldur kviknaði fjóra kílómetra í burtu Margrét Jóna Þórarinsdóttir hefur verið búsett ásamt fjölskyldu sinni í Sydney í tíu ár. Hún ræddi ástandið í þættinum Bítinu á Bylgjunni í morgun en Ástralar búa sig nú undir enn eina hitabylgjuna. Margrét Jóna Þórarinsdóttir.Aðsend „Ég er blessunarlega nokkuð frá þessu. Þessi eldur sem er hvað næstur okkur er fjörutíu kílómetrum í burtu eins og er. Við fengum smá sjokk þegar það kviknaði eldur sem var fjórum kílómetrum frá okkur og þá þurftum við nú bara að vera búin að pakka í tösku og bíl og bíða eftir kallinu um að við þyrftum kannski að flýja. En það kom ekki til þess, sem er gott,“ sagði Margrét.Sjá einnig: Forsætisráðherra Ástralíu biðst afsökunar á því að hafa farið í frí til Hawaii Hún kvað kjarr- og skógarelda vissulega hafa kviknað á hverju ári en mundi ekki til þess að ástandið hefði orðið svo slæmt jafnsnemma og nú. Þá væri nóg eftir. „Það man enginn eftir þessu svona slæmu. Það er sama við hvern maður talar í rauninni. Það man enginn eftir því að þetta hafi verið svona slæmt, að þetta hafi byrjað svona snemma því þetta er búið að vera í rauninni ófremdarástand síðan í lok september og þetta hefur aldri verið svona lengi, að menn ná ekki tökum á þessu,“ sagði Margrét. „Þegar eldarnir eru hvað skæðastir þá eru þeir eldhaf, þrjátíu metra upp í loftið. Og það hafa verið mikið af kröftugum vindum sem hafa verið frekar óáreiðanlegir, sem gerir þetta rosalega erfitt fyrir slökkviliðsmennina að ná tökum á þessu.“ Ekki rigningardropi í augsýn Hásumar er nú í Ástralíu og í síðustu viku féllu hitamet í landinu tvo daga í röð, þegar hitinn fór mest í 41,9 gráður að meðaltali í landinu öllu. Margrét kvað ástandið óvenjulegt núna að því leyti að hinn mikli hiti væri svo lengi viðvarandi. Hún hefði upplifað gríðarlegan hita í gegnum tíðina, allt að 48 stig, en það hafi þó bara verið tilfallandi. Nú væri öldin önnur – og suma daga væri hreinlega óhugnanlegt um að litast. Slökkviliðsmenn hafa barist við eldana síðustu vikur.Vísir/vilhelm „Næstu þrjá, fjóra daga verður hitinn frá 35 til 45 stigum á daginn og ekki dropi af rigningu næstu tíu dagana allavega, eða eins langt og menn geta spáð. Þannig að ég held að gamlársdagur gæti orðið nokkuð áhugaverður þegar kemur að þessu,“ sagði Margrét. „Það hafa verið nokkrir dagar sem hafa verið mjög slæmir, þar sem reykmengunin hefur farið upp úr öllu valdi. Þá hefur maður farið út og fundið sviða í augum og frekar ónotalegt að vera úti. Maður sér ösku rigna yfir, það komu einn, tveir dagar af því. Þetta er eins og maður sé í einhverri bíómynd um heimsendi. Það er ekkert skyggni og himininn appelsínugulur. Þetta er mjög óraunverulegt.“ Óljóst með flugeldana Nú nálgast áramót og eftir sem áður er umfangsmikil flugeldasýning við óperuhúsið sögufræga í Sydney á dagskrá á gamlárskvöld. Margrét gerði ráð fyrir að þeirri sýningu yrði haldið til streitu, þrátt fyrir eldana sem geisa fyrir utan borgina, en óljóst yrði með flugeldana í úthverfunum. „Það hefur verið mikið talað um það að menn ættu bara að sleppa því og setja peninginn í sjóð fyrir fólk sem er að missa hús og fyrir slökkviliðsmennina sjálfa því margir eru sjálfboðaliðar og fá ekki greitt fyrir þessa vinnu. En við ætlum að sleppa því að vera að skjóta einhverju upp hérna.“Viðtalið við Margréti má hlusta á í heild í spilaranum hér að neðan. Ástralía Gróðureldar í Ástralíu Tengdar fréttir Búa sig undir enn eina hitabylgjuna Undanfarnar vikur hafa kjarr- og skógareldar haft gríðarlega eyðileggingu í för með sér. 27. desember 2019 07:25 Forsætisráðherrann reynir að slökkva elda eftir óheppilegt frí Á meðan mannskæðir kjarreldar hafa geisað í Ástralíu var forsætisráðherrann í fjölskyldufríi á Havaí. 22. desember 2019 08:28 Forsætisráðherra Ástralíu biðst afsökunar á að hafa farið í frí til Hawaii Scott Morrison, forsætisráðherra Ástralíu, hefur beðist afsökunar á því að hafa farið í frí til Hawaii í þessari í viku á meðan ástandið í landinu versnaði til muna vegna skógarelda sem þar hafa geisað undanfarna mánuði. 20. desember 2019 06:38 Hitametið í Ástralíu slegið annan daginn í röð Stjórnvöld í fjölmennasta ríki Ástralíu, New South Wales, hafa lýst yfir sjö daga neyðarástandi í ríkinu vegna mikilla skógar- og kjarrelda. 19. desember 2019 07:08 Mest lesið Óvissa uppi um „stóra og fallega“ frumvarpið og Musk hótar hefndum Erlent Stjórnarformaðurinn segir stund sannleikans runna upp fyrir Eurovision Innlent „Þetta er ekkert líf“ Innlent Læknanemar látnir borga hagræðingarbrúsann Innlent Skipt um lás hjá Sósíalistaflokknum Innlent Ragna yfirgefur Alþingi mánuði fyrr en áætlað var Innlent Mikill minnihluti telur stjórnarandstöðuna standa sig vel Innlent Nemendur greiði tuttugu þúsund krónum meira í Strætó en starfsfólk Innlent Rauðar viðvaranir víða í Evrópu vegna hitans Erlent Óeirðir í Tyrklandi vegna umdeildrar skopmyndar Erlent Fleiri fréttir Forsætisráðherra Taílands vikið úr embætti Fjarlægja loftslagsskýrslur og ætla að hætta að fjármagna rannsóknir Óeirðir í Tyrklandi vegna umdeildrar skopmyndar Rauðar viðvaranir víða í Evrópu vegna hitans Segja niðurskurð á þróunaraðstoð hafa skelfilegar afleiðingar Óvissa uppi um „stóra og fallega“ frumvarpið og Musk hótar hefndum Unglingsstúlka lést þegar hestur dró hana eftir jörðinni „Stóra og fallega“ frumvarp repúblikana á tæpasta vaði Skæð hitabylgja velgir Evrópubúum undir uggum Aftur kjörin formaður þrátt fyrir fjárdráttinn sem felldi hana Skaut á slökkviliðsmenn úr launsátri Hefur í hótunum við New York vegna „kommúnistans“ Mamdani Krefjast svara um mögulegar frekari árásir Þúsundir Norðmanna fengu fyrir mistök tilkynningu um að hafa unnið milljónir Hitamet slegið á Spáni um helgina Sæta lögreglurannsókn vegna níðsöngva um ísraelska herinn Hættu leit eftir þrjá tíma að þeim sem féll útbyrðis úr Norrænu Íranir geti aftur byrjað að auðga úran eftir nokkra mánuði Metþátttaka í ólöglegri göngu: „Það er mikill hugur í fólki“ Þúsundir syrgja í Tehran og Trump segir æðstaklerkinn ljúga Hæstaréttardómarar fjarlægðu flein úr holdi Bandaríkjaforseta Lífstíðarfangelsi fyrir að myrða 14 ára dreng með samúræjasverði Finna fyrir fjarveru Bandaríkjanna á loftslagsfundi en sakna þeirra ekki Ungar konur særðust í skotárás í Nuuk Sá sem samdi Mission: Impossible lagið er látinn Stjúpsonur norska krónprinsins grunaður um nauðganir Dönsk stjórnvöld vilja tryggja fólki höfundarrétt að eigin persónu Sagði Sean Combs ekki virða svarið „Nei“ Twitter-morðinginn tekinn af lífi Stígur fram og segir Írani hafa löðrungað Bandaríkin Sjá meira
Íslensk kona sem búsett er í Sydney í Ástralíu lýsir ástandinu í borginni eins og heimsendi í bíómynd. Gríðarleg hitabylgja og gróðureldar geisa nú Ástralíu en stærsti eldurinn logar vestur af Sydney. Þá segist hún ekki muna eftir því að staðan hafi verið jafnslæm og nú. Kjarr- og skógareldar hafa geisað undanfarnar vikur og mánuði í Ástralíu. Viktoríufylki og Nýja Suður-Wales í suðausturhluta landsins hafa orðið hvað verst úti í eldunum. Nú þegar brenna um hundrað eldar víðsvegar um landið. „Sjokk“ þegar eldur kviknaði fjóra kílómetra í burtu Margrét Jóna Þórarinsdóttir hefur verið búsett ásamt fjölskyldu sinni í Sydney í tíu ár. Hún ræddi ástandið í þættinum Bítinu á Bylgjunni í morgun en Ástralar búa sig nú undir enn eina hitabylgjuna. Margrét Jóna Þórarinsdóttir.Aðsend „Ég er blessunarlega nokkuð frá þessu. Þessi eldur sem er hvað næstur okkur er fjörutíu kílómetrum í burtu eins og er. Við fengum smá sjokk þegar það kviknaði eldur sem var fjórum kílómetrum frá okkur og þá þurftum við nú bara að vera búin að pakka í tösku og bíl og bíða eftir kallinu um að við þyrftum kannski að flýja. En það kom ekki til þess, sem er gott,“ sagði Margrét.Sjá einnig: Forsætisráðherra Ástralíu biðst afsökunar á því að hafa farið í frí til Hawaii Hún kvað kjarr- og skógarelda vissulega hafa kviknað á hverju ári en mundi ekki til þess að ástandið hefði orðið svo slæmt jafnsnemma og nú. Þá væri nóg eftir. „Það man enginn eftir þessu svona slæmu. Það er sama við hvern maður talar í rauninni. Það man enginn eftir því að þetta hafi verið svona slæmt, að þetta hafi byrjað svona snemma því þetta er búið að vera í rauninni ófremdarástand síðan í lok september og þetta hefur aldri verið svona lengi, að menn ná ekki tökum á þessu,“ sagði Margrét. „Þegar eldarnir eru hvað skæðastir þá eru þeir eldhaf, þrjátíu metra upp í loftið. Og það hafa verið mikið af kröftugum vindum sem hafa verið frekar óáreiðanlegir, sem gerir þetta rosalega erfitt fyrir slökkviliðsmennina að ná tökum á þessu.“ Ekki rigningardropi í augsýn Hásumar er nú í Ástralíu og í síðustu viku féllu hitamet í landinu tvo daga í röð, þegar hitinn fór mest í 41,9 gráður að meðaltali í landinu öllu. Margrét kvað ástandið óvenjulegt núna að því leyti að hinn mikli hiti væri svo lengi viðvarandi. Hún hefði upplifað gríðarlegan hita í gegnum tíðina, allt að 48 stig, en það hafi þó bara verið tilfallandi. Nú væri öldin önnur – og suma daga væri hreinlega óhugnanlegt um að litast. Slökkviliðsmenn hafa barist við eldana síðustu vikur.Vísir/vilhelm „Næstu þrjá, fjóra daga verður hitinn frá 35 til 45 stigum á daginn og ekki dropi af rigningu næstu tíu dagana allavega, eða eins langt og menn geta spáð. Þannig að ég held að gamlársdagur gæti orðið nokkuð áhugaverður þegar kemur að þessu,“ sagði Margrét. „Það hafa verið nokkrir dagar sem hafa verið mjög slæmir, þar sem reykmengunin hefur farið upp úr öllu valdi. Þá hefur maður farið út og fundið sviða í augum og frekar ónotalegt að vera úti. Maður sér ösku rigna yfir, það komu einn, tveir dagar af því. Þetta er eins og maður sé í einhverri bíómynd um heimsendi. Það er ekkert skyggni og himininn appelsínugulur. Þetta er mjög óraunverulegt.“ Óljóst með flugeldana Nú nálgast áramót og eftir sem áður er umfangsmikil flugeldasýning við óperuhúsið sögufræga í Sydney á dagskrá á gamlárskvöld. Margrét gerði ráð fyrir að þeirri sýningu yrði haldið til streitu, þrátt fyrir eldana sem geisa fyrir utan borgina, en óljóst yrði með flugeldana í úthverfunum. „Það hefur verið mikið talað um það að menn ættu bara að sleppa því og setja peninginn í sjóð fyrir fólk sem er að missa hús og fyrir slökkviliðsmennina sjálfa því margir eru sjálfboðaliðar og fá ekki greitt fyrir þessa vinnu. En við ætlum að sleppa því að vera að skjóta einhverju upp hérna.“Viðtalið við Margréti má hlusta á í heild í spilaranum hér að neðan.
Ástralía Gróðureldar í Ástralíu Tengdar fréttir Búa sig undir enn eina hitabylgjuna Undanfarnar vikur hafa kjarr- og skógareldar haft gríðarlega eyðileggingu í för með sér. 27. desember 2019 07:25 Forsætisráðherrann reynir að slökkva elda eftir óheppilegt frí Á meðan mannskæðir kjarreldar hafa geisað í Ástralíu var forsætisráðherrann í fjölskyldufríi á Havaí. 22. desember 2019 08:28 Forsætisráðherra Ástralíu biðst afsökunar á að hafa farið í frí til Hawaii Scott Morrison, forsætisráðherra Ástralíu, hefur beðist afsökunar á því að hafa farið í frí til Hawaii í þessari í viku á meðan ástandið í landinu versnaði til muna vegna skógarelda sem þar hafa geisað undanfarna mánuði. 20. desember 2019 06:38 Hitametið í Ástralíu slegið annan daginn í röð Stjórnvöld í fjölmennasta ríki Ástralíu, New South Wales, hafa lýst yfir sjö daga neyðarástandi í ríkinu vegna mikilla skógar- og kjarrelda. 19. desember 2019 07:08 Mest lesið Óvissa uppi um „stóra og fallega“ frumvarpið og Musk hótar hefndum Erlent Stjórnarformaðurinn segir stund sannleikans runna upp fyrir Eurovision Innlent „Þetta er ekkert líf“ Innlent Læknanemar látnir borga hagræðingarbrúsann Innlent Skipt um lás hjá Sósíalistaflokknum Innlent Ragna yfirgefur Alþingi mánuði fyrr en áætlað var Innlent Mikill minnihluti telur stjórnarandstöðuna standa sig vel Innlent Nemendur greiði tuttugu þúsund krónum meira í Strætó en starfsfólk Innlent Rauðar viðvaranir víða í Evrópu vegna hitans Erlent Óeirðir í Tyrklandi vegna umdeildrar skopmyndar Erlent Fleiri fréttir Forsætisráðherra Taílands vikið úr embætti Fjarlægja loftslagsskýrslur og ætla að hætta að fjármagna rannsóknir Óeirðir í Tyrklandi vegna umdeildrar skopmyndar Rauðar viðvaranir víða í Evrópu vegna hitans Segja niðurskurð á þróunaraðstoð hafa skelfilegar afleiðingar Óvissa uppi um „stóra og fallega“ frumvarpið og Musk hótar hefndum Unglingsstúlka lést þegar hestur dró hana eftir jörðinni „Stóra og fallega“ frumvarp repúblikana á tæpasta vaði Skæð hitabylgja velgir Evrópubúum undir uggum Aftur kjörin formaður þrátt fyrir fjárdráttinn sem felldi hana Skaut á slökkviliðsmenn úr launsátri Hefur í hótunum við New York vegna „kommúnistans“ Mamdani Krefjast svara um mögulegar frekari árásir Þúsundir Norðmanna fengu fyrir mistök tilkynningu um að hafa unnið milljónir Hitamet slegið á Spáni um helgina Sæta lögreglurannsókn vegna níðsöngva um ísraelska herinn Hættu leit eftir þrjá tíma að þeim sem féll útbyrðis úr Norrænu Íranir geti aftur byrjað að auðga úran eftir nokkra mánuði Metþátttaka í ólöglegri göngu: „Það er mikill hugur í fólki“ Þúsundir syrgja í Tehran og Trump segir æðstaklerkinn ljúga Hæstaréttardómarar fjarlægðu flein úr holdi Bandaríkjaforseta Lífstíðarfangelsi fyrir að myrða 14 ára dreng með samúræjasverði Finna fyrir fjarveru Bandaríkjanna á loftslagsfundi en sakna þeirra ekki Ungar konur særðust í skotárás í Nuuk Sá sem samdi Mission: Impossible lagið er látinn Stjúpsonur norska krónprinsins grunaður um nauðganir Dönsk stjórnvöld vilja tryggja fólki höfundarrétt að eigin persónu Sagði Sean Combs ekki virða svarið „Nei“ Twitter-morðinginn tekinn af lífi Stígur fram og segir Írani hafa löðrungað Bandaríkin Sjá meira
Búa sig undir enn eina hitabylgjuna Undanfarnar vikur hafa kjarr- og skógareldar haft gríðarlega eyðileggingu í för með sér. 27. desember 2019 07:25
Forsætisráðherrann reynir að slökkva elda eftir óheppilegt frí Á meðan mannskæðir kjarreldar hafa geisað í Ástralíu var forsætisráðherrann í fjölskyldufríi á Havaí. 22. desember 2019 08:28
Forsætisráðherra Ástralíu biðst afsökunar á að hafa farið í frí til Hawaii Scott Morrison, forsætisráðherra Ástralíu, hefur beðist afsökunar á því að hafa farið í frí til Hawaii í þessari í viku á meðan ástandið í landinu versnaði til muna vegna skógarelda sem þar hafa geisað undanfarna mánuði. 20. desember 2019 06:38
Hitametið í Ástralíu slegið annan daginn í röð Stjórnvöld í fjölmennasta ríki Ástralíu, New South Wales, hafa lýst yfir sjö daga neyðarástandi í ríkinu vegna mikilla skógar- og kjarrelda. 19. desember 2019 07:08