Eldur kom upp í starfsmannaaðstöðu við Votmúla

Slökkviliðsmenn hjá Brunavörnum Árnessýslu voru kallaðir út nú á öðrum tímanum eftir að tilkynning barst um eld í litlu húsi nærri Votmúla, sunnan við Selfoss.

Slökkviliðsmenn voru við það að ljúka öðru útkalli í bakaríi á Selfossi þegar tilkynningin barst og gátu því farið beint á staðinn. Þar sem staðsetningin er utan þéttbýlis voru sendir tveir slökkviliðsbílar. Dælubíll og tankbíll.

Í húsinu er starfsmannaaðstaða og virtist eldurinn koma undan gámnum. Húsið var mannslaus þegar eldurinn kom upp og ekki er hætta á útbreiðslu. Þá liggu ekki fyrir hversu miklar skemmdir eru.

Lögreglan á Suðurlandi fer með rannsókn á því hvers vegna eldurinn kom upp.