Vara við völtum vöggum

Bast barnavöggur frá Blindravinnustofunni hafi verið teknar tímabundið úr sölu. Að sögn Neytendastofu er það vegna þess að vöggurnar geta verið óstöðugar og að dýnan sem seld er með vöggunni sé of lítil.

Blindravinnustofan á að hafa gert athugun á vöggunum fyrr á árinu þar fram kom að ýmislegt þyrfti að lagfæra svo sem stöðugleika, læsingar á hjólum og merkingar.

„Blindravinnustofan hefur undanfarna mánuði unnið að úrbótum á vöggunum. Sú vinna er vel á veg komin og munu þær úrbætur tryggja að vöggurnar uppfylli allar kröfur sem gerðar eru til vagga. Í framhaldinu mun öllum þeim sem eiga barnavöggur frá Blindravinnustofunni vera gefin kostur á uppfærslu á vöggunum,“ segir á vef Neytendastofu.

„Ef forráðamenn vilja halda áfram að nota vögguna þá hvetur Neytendastofa þá að skilja börnin ekki án eftirlits í vöggunni.“