1,7 milljarða afgangur Faxaflóahafna

Rekstur Faxaflóahafna sf. skilaði rúmlega 1,7 milljarða hagnaði á síðasta ári. Hluta þess má rekja til sölu lands í Sævarhöfða fyrir 624 milljónir til Reykjavíkurborgar. Þetta kemur fram í ársreikningi félagsins sem samþykktur var fyrir helgi.

Hagnaðurinn í fyrra var nærri þrefalt meiri en árið 2017. Í fjárhagsáætlun ársins hafði verið gert ráð fyrir 727 milljóna hagnaði.

Af ársreikningnum má einnig sjá að laun til stjórnarmanna og hafnarstjóra hafi dregist saman milli ára um tæp tvö prósent.