Hagkaup innkallar Hvolpasveitarbúning

Hagkaup hefur innkallað Hvolpasveitarbúning þar sem hluti búningsins er úr mjög eldfimu efni og fylgihlutur uppfyllir ekki öryggisstaðla. Er búningurinn því ekki í samræmi við þær kröfur sem settar eru vörum sem þessum.

„Vill Hagkaup því innkalla fyrrgreindan búning.  Hagkaup vill beina því til viðskiptavina sinna sem keypt hafa fyrrgreindan búning að þeir geti skilað honum í næstu Hagkaupsverslun og fengið endurgreiðslu.

 

Hagkaup hefur nú þegar tekið vöruna úr sölu í verslunum sínum,“ segir í tilkynningu frá Hagkaup en vísað er í nánari upplýsingar samkvæmt RAPEX-gagnabanka.