Breski skemmtikrafturinn Ronnie Corbett látinn

Ronnie Corbett, einn vinsælasti skemmtikraftur Bretlandseyja er látinn, 85 ára að aldri.

Talsmaður fjölskyldu Corbett segir að hann hafi andast í morgun í faðmi fjölskyldunnar.

Corbett gerði meðal annars garðinn frægan í þáttunum The Two Ronnies þar sem hann lék á móti Ronnie Barker. Þá kom hann einnig reglulega fram í þætti David Frost, The Frost Report, á sjöunda áratugnum og í þáttunum Sorry! og No – That's Me Over Here!

Hann var kvæntur leikkonunni Anne Hart og áttu þau saman þrjú börn.