Tók Pep fram yfir Man. Utd

Síle-maðurinn Arturo Vidal segist hafa hafnað því að fara til Man. Utd síðasta sumar því hann vildi spila fyrir Pep Guardiola.

Vidal vann ítalska meistaratitilinn með Juventus fjögur ár í röð en söðlaði svo um og samdi við Bayern síðasta sumar.

„Ég gat farið til Englands og ég hélt um tíma að það myndi gerast,“ sagði Vidal sem hafði áður spilað með Bayer Leverkusen og þekkti því vel til í þýska boltanum.

Vidal er búinn að skora tvö mörk í 22 leikjum í deildinni í vetur og hefur lent í vandræðum utan vallar líka.