Hermann fer inn í hlýjuna: „Eitt af draumastörfunum sem þú færð“ Aron Guðmundsson skrifar 14. nóvember 2024 08:02 Hermann Hreiðarsson er spenntur fyrir komandi tímum hjá HK. Hann skrifaði undir þriggja ára samning við félagið. Mynd: HK Hermann Hreiðarsson, nýráðinn þjálfari karlaliðs HK í fótbolta, segir það eitt af draumastörfunum sem að þjálfari getur fengið að taka þátt í uppbyggingu og framförum. Hann fær það verkefni að reyna stýra liðinu strax aftur upp í Bestu deildina. Eyjamaðurinn og harðhausinn Hermann setti það ekki fyrir sig að fara inn í hlýjuna í Kórnum. Hermann lét af störfum sem þjálfari karlaliðs ÍBV eftir nýafstaðið tímabil þar sem að hann stýrði liðinu upp í efstu deild. Eyjamaðurinn var reiðubúinn í að bíða þolinmóður eftir næsta starfi en var þó ekki lengi atvinnulaus því nú er hann orðinn þjálfari HK. Hann sér möguleika hjá liðinu sem féll nýlega úr Bestu deildinni en Ómar Ingi Guðmundsson sagði upp störfum sem þjálfari HK eftir tímabilið. „Stuttu eftir að Ómar lætur af störfum fæ ég símtal varðandi það hvort ég hefði áhuga á starfinu og væri til í að koma í viðtal,“ segir Hermann varðandi aðdragandann að nýja starfinu. „Ég slæ til. Fer í viðtalið og er svo kallaður inn í annað viðtal nokkrum dögum síðar. Eftir það er svo sagt við mig að þeir myndu vera í sambandi við mig. Sem og þeir gerðu. Það var gengið til samninga og málið klárað núna síðastliðinn laugardag.“ Hermann og Hjörtur Þór Steindórsson formaður knattspyrnudeildar HK handsala samning sín á milliMynd: HK „Ég var alveg tilbúinn í að vera þolinmóður. Maður veit hvernig þessi bransi er. Það er ekkert gengið að því að hoppa strax í næsta starf. Ég var því alveg búinn undir það að það þyrfti ekkert að detta eitthvað strax inn. Þarna er rosalega flottur klúbbur á ferð, tiltölulega ungt félag og gaman að taka þátt í svona uppbyggingu og vegferð. Klúbburinn hefur alla burði til þess að taka framförum og þakið er ansi hátt þarna. Þetta er eiginlega eitt af þeim draumastörfum sem þú færð. Að geta tekið þátt í uppbyggingu og framförum.“ Spennandi og skemmtilegt vinnu umhverfi Hermann skrifar undir þriggja ára samning í Kópavoginum og vegferðin hefst í hinni feikna sterku Lengjudeild á næsta ári. Deild sem Hermann vann með ÍBV í ár. Stefnan er sett á að gera HK að stabílu efstu deildar félagi. „Það er langtímamarkmið. Það er klárt. Raunhæft markmið. Óstöðugleikinn er til staðar þegar að þú ert með marga unga leikmenn. HK hefur verið að gefa mörgum ungum leikmönnum tækifæri og byggja þá upp fyrir framtíðina. Starfið sem að Ómar og fólkið í kringum hann hefur verið að skila af sér er frábært. Þeir eru að skila af sér flottu búi og margir leikmenn komnir með reynslu og smá smjörþef af leikjum í efstu deild og meistaraflokki. Það er gríðarlega mikilvægt og ég held að allir í fótboltanum hér á Íslandi beri virðingu fyrir því.“ Fögnuður HK manna eftir leik í Bestu deildinni á nýafstöðnu tímabiliVísir/Pawel Cieslikiewicz „Það geta ekki allir verið að keppa á toppnum en stefnan er fyrst og fremst að byggja upp betri og fleiri leikmenn. Geta tekið þátt í því sem að þau félög sem eru með flesta iðkendur eru að gera. Selja fleiri leikmenn erlendis. Að fleiri geti tekið næstu skref. Það er heildarmarkmiðið. Það er frábært fólk hjá HK og allir hungraðir í að gera þetta eins vel og hægt er. Þetta er gríðarlega spennandi og skemmtilegt vinnu umhverfi.“ Lykilmenn fara Margir leikmenn HK eru að renna út á samningi og þeirra á meðal er fyrirliðinn Leifur Andri Leifsson. Hermann býst við því að einhverjir lykilleikmenn hverfi á braut en fyllt verði í þau skörð. „Það eiga sér alltaf stað einhverjar hreyfingar þegar að lið fellur. Einhverjir leikmenn sem vilja vera áfram í efstu deild. Það er öruggt að einhverjir leikmenn munu fara. Hvað Leif varðar þá er hann goðsögn í HK, auðvitað viljum við halda honum en þetta er í hans höndum.“ Leifur Andri í baráttunni í leik með HKVísir/Hulda Margrét „Ég vissi það að hann væri að skoða sín mál. Yngri kjarninn verður áfram hjá okkur en klárt að einhverjir lykilmenn fara. Það verður fyllt í þau skörð sem þarf að fylla í. Svo fá fleiri ungir strákar stórt tækifæri. Það eru tækifæri fólgin í því að fara niður. Þú getur leyft fleirum að fá sénsinn. Það er alveg öruggt.“ Stefnan sett beint upp Verkefnið í Lengjudeildinni á næsta tímabili er ærið og fékk Hermann að kynnast því með liði ÍBV á nýafstöðnu tímabili hversu erfið deildin er en aðeins efsta liðið fer beint upp í Bestu deildina á meðan að liðið í öðru til fimmta sæti berjast um hitt lausa sætið sín á milli í umspili. „Þetta var skemmtileg deild í sumar og fyrirkomulagið vel heppnað. Þetta var lifandi alveg fram í síðustu umferð varðandi það hvaða lið færu í umspilið og hverjir færu beint upp. Allir að vinna alla og tína stig hvort af öðru. Það eru mörg sterk lið í þessari deild. Flest lið gera tilkall í að fara upp. Við vitum að það er ekkert gefið í þessu. Það mun gilda á næsta tímabili. Þetta verður skemmtilegt og krefjandi verkefni fyrir okkur, að koma okkur aftur upp.“ Hermann Hreiðarsson á hliðarlínunni sem þjálfari ÍBV á sínum tíma.Vísir/Hulda Margrét Og er það ekki stefnan að fara strax aftur upp í Bestu deildina? „Að sjálfsögðu. Stefnum beint að því að vinna deildina og koma okkur beint upp.“ Fer inn í hlýjuna Eyjamaðurinn Hermann hefur þá ímynd út á við að vera harður í horn að taka, hörkutöl og baráttujaxl sem virðist þrífast best í ekta íslenskum aðstæðum. Eins og frægt er orðið spilar HK sína heimaleiki inni í Kórnum sem fer misvel í aðila utan félagsins. Er það ekki dálítil andstaða við ímynd Hermanns að færa sig inn í hlýja loftið í Kórnum? „Jú,“ segir Hermann og hlær. „En aðstaðan er frábær. Nýtt gervigras og maður getur treyst á sömu aðstæður. Það er nú svolítið nýtt. Að þurfa ekki að taka tillit til veðursins fimm sinnum á dag. En vissulega æfum við úti líka. Þetta eru því ekki stórar breytingar. Það er höll í Vestmannaeyjum líka þótt hún sé bara hálf, en aðal breytingin er sú að við vitum að hverju við göngum á heimavelli á leikdegi. Það er mjög jákvætt að geta staðið við eitt plan.“ HK Lengjudeild karla Besta deild karla Mest lesið Hefði fengið 20 ára bann fyrir samskonar mál og Sinner Sport „Hér er allt mögulegt“ Fótbolti Leikhús draumanna stóð undir nafni í ótrúlegustu endurkomu síðari ára Fótbolti „Maður er náttúrlega bara í pínu sjokki“ Sport Van Dijk fær 68 milljónir á viku Enski boltinn Lagði egóið til hliðar fyrir liðið Körfubolti Dramatík á Hlíðarenda Handbolti Uppgjörið: ÍBV - Víkingur 3-0 | Eyjamenn flugu áfram Íslenski boltinn Móðir Eyglóar afhenti henni sögulegt EM-gull Sport Dagskráin í dag: Umspilið í NBA, 1. deild kvenna í körfubolta og margt fleira Sport Fleiri fréttir Uppgjörið: ÍBV - Víkingur 3-0 | Eyjamenn flugu áfram Mosfellingar fundu markaskóna og Fylkismenn orðnir níu fyrir hálfleik Fimmtán ára og skoraði í fyrsta byrjunarliðsleiknum í efstu deild Segir að öllum hafi verið sama um kvennaliðið í KR Uppbótartíminn: „Draumar eru til þess að stefna hátt“ „Þetta var skrýtinn leikur“ „Höfum afsannað allar spár sem hafa komið og ætlum að halda því áfram“ „Hugur minn er bara hjá henni“ Leik lokið: Valur - FH 0-0 | Markalaust í leik sem litaðist af ljótum meiðslum Viðar Örn að glíma við meiðsli Uppgjörið: Víkingur - Þór/KA 1-4 | Engin hamingja hjá heimakonum Uppgjörið: Tindastóll - FHL 1-0 | Stólarnir sýndu enga miskunn Bærinn seldi tækin úr ræktinni: „Vona að Fjarðabyggð sjái að sér“ Segir vandræðalegt að Valur hafi ekki unnið KR „Skemmtilegt að þroskast þannig sem leikmaður“ „Meira að hugsa um hvort ég geti unnið heilan vinnudag“ Fimmtán ára KR-ingur tók metið af Eiði Smára: Fær hæfileikana frá mömmu Byrjaði sem grín en endaði með því að Römer fór frá Lyngby til Akureyrar „Það sem klikkaði var að þær komust á lagið og gerðu vel“ Uppgjörið: Breiðablik - Stjarnan 6-1 | Meistararnir byrja af krafti „Gott að vera komin heim“ Uppgjörið: Þróttur - Fram 3-1 | Nýliðarnir máttu þola tap í endurkomunni Hin næstum fertuga Sif fær félagaskipti í Víking „Komin ótrúlega langt miðað við hversu stutt er síðan hún átti sitt fyrsta barn“ „Sýna þeim að þau gerðu mistök að segja samningnum upp“ „Það verður alltaf talað um hana“ „KA búið að leggja það í vana sinn að bregðast mjög seint við“ „Taka hringi á jörðinni og öskra eins og þú sért að fæða barn“ Besta spáin 2025: Skjöldurinn fer ekki neitt Besta-spáin 2025: Nýir tímar en sömu væntingar á Hlíðarenda Sjá meira
Hermann lét af störfum sem þjálfari karlaliðs ÍBV eftir nýafstaðið tímabil þar sem að hann stýrði liðinu upp í efstu deild. Eyjamaðurinn var reiðubúinn í að bíða þolinmóður eftir næsta starfi en var þó ekki lengi atvinnulaus því nú er hann orðinn þjálfari HK. Hann sér möguleika hjá liðinu sem féll nýlega úr Bestu deildinni en Ómar Ingi Guðmundsson sagði upp störfum sem þjálfari HK eftir tímabilið. „Stuttu eftir að Ómar lætur af störfum fæ ég símtal varðandi það hvort ég hefði áhuga á starfinu og væri til í að koma í viðtal,“ segir Hermann varðandi aðdragandann að nýja starfinu. „Ég slæ til. Fer í viðtalið og er svo kallaður inn í annað viðtal nokkrum dögum síðar. Eftir það er svo sagt við mig að þeir myndu vera í sambandi við mig. Sem og þeir gerðu. Það var gengið til samninga og málið klárað núna síðastliðinn laugardag.“ Hermann og Hjörtur Þór Steindórsson formaður knattspyrnudeildar HK handsala samning sín á milliMynd: HK „Ég var alveg tilbúinn í að vera þolinmóður. Maður veit hvernig þessi bransi er. Það er ekkert gengið að því að hoppa strax í næsta starf. Ég var því alveg búinn undir það að það þyrfti ekkert að detta eitthvað strax inn. Þarna er rosalega flottur klúbbur á ferð, tiltölulega ungt félag og gaman að taka þátt í svona uppbyggingu og vegferð. Klúbburinn hefur alla burði til þess að taka framförum og þakið er ansi hátt þarna. Þetta er eiginlega eitt af þeim draumastörfum sem þú færð. Að geta tekið þátt í uppbyggingu og framförum.“ Spennandi og skemmtilegt vinnu umhverfi Hermann skrifar undir þriggja ára samning í Kópavoginum og vegferðin hefst í hinni feikna sterku Lengjudeild á næsta ári. Deild sem Hermann vann með ÍBV í ár. Stefnan er sett á að gera HK að stabílu efstu deildar félagi. „Það er langtímamarkmið. Það er klárt. Raunhæft markmið. Óstöðugleikinn er til staðar þegar að þú ert með marga unga leikmenn. HK hefur verið að gefa mörgum ungum leikmönnum tækifæri og byggja þá upp fyrir framtíðina. Starfið sem að Ómar og fólkið í kringum hann hefur verið að skila af sér er frábært. Þeir eru að skila af sér flottu búi og margir leikmenn komnir með reynslu og smá smjörþef af leikjum í efstu deild og meistaraflokki. Það er gríðarlega mikilvægt og ég held að allir í fótboltanum hér á Íslandi beri virðingu fyrir því.“ Fögnuður HK manna eftir leik í Bestu deildinni á nýafstöðnu tímabiliVísir/Pawel Cieslikiewicz „Það geta ekki allir verið að keppa á toppnum en stefnan er fyrst og fremst að byggja upp betri og fleiri leikmenn. Geta tekið þátt í því sem að þau félög sem eru með flesta iðkendur eru að gera. Selja fleiri leikmenn erlendis. Að fleiri geti tekið næstu skref. Það er heildarmarkmiðið. Það er frábært fólk hjá HK og allir hungraðir í að gera þetta eins vel og hægt er. Þetta er gríðarlega spennandi og skemmtilegt vinnu umhverfi.“ Lykilmenn fara Margir leikmenn HK eru að renna út á samningi og þeirra á meðal er fyrirliðinn Leifur Andri Leifsson. Hermann býst við því að einhverjir lykilleikmenn hverfi á braut en fyllt verði í þau skörð. „Það eiga sér alltaf stað einhverjar hreyfingar þegar að lið fellur. Einhverjir leikmenn sem vilja vera áfram í efstu deild. Það er öruggt að einhverjir leikmenn munu fara. Hvað Leif varðar þá er hann goðsögn í HK, auðvitað viljum við halda honum en þetta er í hans höndum.“ Leifur Andri í baráttunni í leik með HKVísir/Hulda Margrét „Ég vissi það að hann væri að skoða sín mál. Yngri kjarninn verður áfram hjá okkur en klárt að einhverjir lykilmenn fara. Það verður fyllt í þau skörð sem þarf að fylla í. Svo fá fleiri ungir strákar stórt tækifæri. Það eru tækifæri fólgin í því að fara niður. Þú getur leyft fleirum að fá sénsinn. Það er alveg öruggt.“ Stefnan sett beint upp Verkefnið í Lengjudeildinni á næsta tímabili er ærið og fékk Hermann að kynnast því með liði ÍBV á nýafstöðnu tímabili hversu erfið deildin er en aðeins efsta liðið fer beint upp í Bestu deildina á meðan að liðið í öðru til fimmta sæti berjast um hitt lausa sætið sín á milli í umspili. „Þetta var skemmtileg deild í sumar og fyrirkomulagið vel heppnað. Þetta var lifandi alveg fram í síðustu umferð varðandi það hvaða lið færu í umspilið og hverjir færu beint upp. Allir að vinna alla og tína stig hvort af öðru. Það eru mörg sterk lið í þessari deild. Flest lið gera tilkall í að fara upp. Við vitum að það er ekkert gefið í þessu. Það mun gilda á næsta tímabili. Þetta verður skemmtilegt og krefjandi verkefni fyrir okkur, að koma okkur aftur upp.“ Hermann Hreiðarsson á hliðarlínunni sem þjálfari ÍBV á sínum tíma.Vísir/Hulda Margrét Og er það ekki stefnan að fara strax aftur upp í Bestu deildina? „Að sjálfsögðu. Stefnum beint að því að vinna deildina og koma okkur beint upp.“ Fer inn í hlýjuna Eyjamaðurinn Hermann hefur þá ímynd út á við að vera harður í horn að taka, hörkutöl og baráttujaxl sem virðist þrífast best í ekta íslenskum aðstæðum. Eins og frægt er orðið spilar HK sína heimaleiki inni í Kórnum sem fer misvel í aðila utan félagsins. Er það ekki dálítil andstaða við ímynd Hermanns að færa sig inn í hlýja loftið í Kórnum? „Jú,“ segir Hermann og hlær. „En aðstaðan er frábær. Nýtt gervigras og maður getur treyst á sömu aðstæður. Það er nú svolítið nýtt. Að þurfa ekki að taka tillit til veðursins fimm sinnum á dag. En vissulega æfum við úti líka. Þetta eru því ekki stórar breytingar. Það er höll í Vestmannaeyjum líka þótt hún sé bara hálf, en aðal breytingin er sú að við vitum að hverju við göngum á heimavelli á leikdegi. Það er mjög jákvætt að geta staðið við eitt plan.“
HK Lengjudeild karla Besta deild karla Mest lesið Hefði fengið 20 ára bann fyrir samskonar mál og Sinner Sport „Hér er allt mögulegt“ Fótbolti Leikhús draumanna stóð undir nafni í ótrúlegustu endurkomu síðari ára Fótbolti „Maður er náttúrlega bara í pínu sjokki“ Sport Van Dijk fær 68 milljónir á viku Enski boltinn Lagði egóið til hliðar fyrir liðið Körfubolti Dramatík á Hlíðarenda Handbolti Uppgjörið: ÍBV - Víkingur 3-0 | Eyjamenn flugu áfram Íslenski boltinn Móðir Eyglóar afhenti henni sögulegt EM-gull Sport Dagskráin í dag: Umspilið í NBA, 1. deild kvenna í körfubolta og margt fleira Sport Fleiri fréttir Uppgjörið: ÍBV - Víkingur 3-0 | Eyjamenn flugu áfram Mosfellingar fundu markaskóna og Fylkismenn orðnir níu fyrir hálfleik Fimmtán ára og skoraði í fyrsta byrjunarliðsleiknum í efstu deild Segir að öllum hafi verið sama um kvennaliðið í KR Uppbótartíminn: „Draumar eru til þess að stefna hátt“ „Þetta var skrýtinn leikur“ „Höfum afsannað allar spár sem hafa komið og ætlum að halda því áfram“ „Hugur minn er bara hjá henni“ Leik lokið: Valur - FH 0-0 | Markalaust í leik sem litaðist af ljótum meiðslum Viðar Örn að glíma við meiðsli Uppgjörið: Víkingur - Þór/KA 1-4 | Engin hamingja hjá heimakonum Uppgjörið: Tindastóll - FHL 1-0 | Stólarnir sýndu enga miskunn Bærinn seldi tækin úr ræktinni: „Vona að Fjarðabyggð sjái að sér“ Segir vandræðalegt að Valur hafi ekki unnið KR „Skemmtilegt að þroskast þannig sem leikmaður“ „Meira að hugsa um hvort ég geti unnið heilan vinnudag“ Fimmtán ára KR-ingur tók metið af Eiði Smára: Fær hæfileikana frá mömmu Byrjaði sem grín en endaði með því að Römer fór frá Lyngby til Akureyrar „Það sem klikkaði var að þær komust á lagið og gerðu vel“ Uppgjörið: Breiðablik - Stjarnan 6-1 | Meistararnir byrja af krafti „Gott að vera komin heim“ Uppgjörið: Þróttur - Fram 3-1 | Nýliðarnir máttu þola tap í endurkomunni Hin næstum fertuga Sif fær félagaskipti í Víking „Komin ótrúlega langt miðað við hversu stutt er síðan hún átti sitt fyrsta barn“ „Sýna þeim að þau gerðu mistök að segja samningnum upp“ „Það verður alltaf talað um hana“ „KA búið að leggja það í vana sinn að bregðast mjög seint við“ „Taka hringi á jörðinni og öskra eins og þú sért að fæða barn“ Besta spáin 2025: Skjöldurinn fer ekki neitt Besta-spáin 2025: Nýir tímar en sömu væntingar á Hlíðarenda Sjá meira