Fjölmörg átakamál fram undan 12. febrúar 2015 07:00 Oddvita ríkisstjórnarflokkanna bíður ærinn starfi. Þeir þurfa að sætta eigin flokksmenn í þeim málum sem fram undan eru og fá þau síðan samþykkt á Alþingi. Það stefnir í átakatíma á Alþingi, verði öll boðuð frumvörp ríkisstjórnarinnar lögð fram. Þegar bíða 45 frumvörp ráðherra afgreiðslu, á ýmsum stigum, og miðað við umfang þeirra mála sem ætlunin er að afgreiða fyrir vorið er ljóst að halda verður vel á málum ef þeir 37 fundardagar sem eftir eru á dagskrá Alþingis eiga að duga til að þau verði öll að lögum. Heimildarmönnum Fréttablaðsins ber saman um að störf þingsins muni fyrst og fremst ráðast af tveimur tillögum sem boðaðar hafa verið; annars vegar þingsályktunartillögu utanríkisráðherra um að draga umsókn um aðild að Evrópusambandinu til baka og hins vegar frumvarpi sjávarútvegs- og landbúnaðarráðherra til breytinga á lögum um stjórn fiskveiða. Ráðherrar Framsóknarflokksins bera þessi mál bæði uppi. Þrátt fyrir að oddvitar ríkisstjórnarflokkanna gefi lítið fyrir ósætti á milli flokkanna, er töluverð ólga innan flokkanna beggja.Steinakast í geitungabú Heimildarmenn Fréttablaðsins eru sammála um það að enginn efnislegur ágreiningur sé á milli stjórnarflokkanna um að slíta formlega viðræðum við ESB. Sjálfstæðisflokkurinn lofaði þjóðaratkvæðagreiðslu um framhald viðræðnanna, en innan flokksins virðist sú skoðun njóta meirihlutafylgis að mikilvægara sé að halda samstarfsflokknum góðum. Því verði tillagan studd, með hangandi hendi þó. Sú skoðun er þó ríkjandi innan flokksins að tillagan sé óþörf. Hún muni engu breyta um stöðuna, engar viðræður séu í gangi við ESB og formleg breyting á stöðu Íslands sem umsóknarlands skipti litlu. Tillagan muni hins vegar vekja litla hrifningu stjórnarandstöðunnar, sérstaklega Samfylkingarinnar og Bjartrar framtíðar og það muni setja sinn svip á þingstörfin. Framlagning tillögunnar sé því eins og að kasta steinum í geitungabú. Á móti kemur að í baklandi Framsóknarflokksins eru fjölmargir sem vilja slíta öll tengsl við Evrópusambandsumsókn fyrri ríkisstjórnar. Ráðherrar flokksins verði varir við þrýsting í þá átt.Allt eða ekkert Sigurður Ingi Jóhannsson, ráðherra sjávarútvegsmála, hefur kallað eftir víðtækri sátt um fyrirkomulag fiskveiðistjórnunar. Á stundum hefur virst sem hann muni ekki leggja fram frumvarp um breytingar á fiskveiðistjórnun nema sú sátt liggi fyrir. Svandís Svavarsdóttir, þingmaður Vinstri grænna, orðar það sem margir stjórnarandstöðuþingmenn hugsa. „Það gengur náttúrulega ekki með svona stór mál eins og fiskveiðistjórnun að verið sé að byggja á einhverjum sögusögnum og einhverju sem mönnum hefur verið sýnt á lokuðum fundum. Þetta er mál af þeirri stærðargráðu að menn eiga bara að koma með það til þingsins og ræða það þar.“ Innan Sjálfstæðisflokksins er hins vegar andstaða við breytingar á fiskveiðistjórnunarkerfinu. Kerfið virki í grundvallaratriðum, sé jafnvel öfundarefni í öðrum löndum, og því sé engin ástæða til að breyta því. Það virðist því vera allt eða ekkert í þessum málum, enn sem komið er allavega; annaðhvort algjör sátt eða engin breyting.Haftaumræða í höftum Undarlega hljótt hefur verið um stærsta málið sem boðað hefur verið á yfirstandandi þingi; afnám gjaldeyrishafta. Það er mál af þeirri stærðargráðu að það hefur gríðarleg áhrif á efnahag þjóðarbúsins. Heimildarmenn Fréttablaðsins innan stjórnarflokkanna voru sammála um að Bjarni Benediktsson og Sigmundur Davíð Gunnlaugsson héldu þeim málum þétt að sér. Ljóst er þó að ágreiningur er á milli þeirra um hvaða leiðir eigi að fara.Af nógu að taka Það verður því nóg að gera hjá þingmönnum fram á sumar. Það skýrist á næstu vikum hvaða mál koma til þingsins, en frestur til að leggja fram ný frumvörp rennur út 26. mars. Ráðherrar hafa því aðeins 42 daga til að ganga frá þeim frumvörpum sem ætlunin er að fá samþykkt fyrir vorið. Alþingi Mest lesið Íslensk flugáhöfn horfði á ljónaárás rétt við hótelið Innlent „Ef hann hefði verið einn þá hefði þetta getað farið miklu verr“ Innlent Huldukona í lykilhlutverki í lygilegu ráðabruggi um símboðana Erlent Af hverju er barnið mitt alltaf að segja Skibidi toilet? Innlent Segir rangt að þau hafi reynt að stöðva lögreglubíl í forgangsakstri Innlent Samþykktu ályktun og stefna að kosningum í vor Innlent „Kveður við nýjan tón í samstarfinu sem er efnislega lokið“ Innlent Risaþotan flýgur aftur yfir Reykjavíkursvæðið Innlent Glerbrot í lauginni Innlent „Þetta er ekki endanlegt frumvarp“ Innlent Fleiri fréttir Heppni að ekki fór verr þegar tveggja ára drengur féll niður nokkra metra Risaþotan flýgur aftur yfir Reykjavíkursvæðið „Þetta er ekki endanlegt frumvarp“ Samþykktu ályktun og stefna að kosningum í vor Segir rangt að þau hafi reynt að stöðva lögreglubíl í forgangsakstri Nóg af heitu vatni á Selfossi Glerbrot í lauginni „Kveður við nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Sjá meira
Það stefnir í átakatíma á Alþingi, verði öll boðuð frumvörp ríkisstjórnarinnar lögð fram. Þegar bíða 45 frumvörp ráðherra afgreiðslu, á ýmsum stigum, og miðað við umfang þeirra mála sem ætlunin er að afgreiða fyrir vorið er ljóst að halda verður vel á málum ef þeir 37 fundardagar sem eftir eru á dagskrá Alþingis eiga að duga til að þau verði öll að lögum. Heimildarmönnum Fréttablaðsins ber saman um að störf þingsins muni fyrst og fremst ráðast af tveimur tillögum sem boðaðar hafa verið; annars vegar þingsályktunartillögu utanríkisráðherra um að draga umsókn um aðild að Evrópusambandinu til baka og hins vegar frumvarpi sjávarútvegs- og landbúnaðarráðherra til breytinga á lögum um stjórn fiskveiða. Ráðherrar Framsóknarflokksins bera þessi mál bæði uppi. Þrátt fyrir að oddvitar ríkisstjórnarflokkanna gefi lítið fyrir ósætti á milli flokkanna, er töluverð ólga innan flokkanna beggja.Steinakast í geitungabú Heimildarmenn Fréttablaðsins eru sammála um það að enginn efnislegur ágreiningur sé á milli stjórnarflokkanna um að slíta formlega viðræðum við ESB. Sjálfstæðisflokkurinn lofaði þjóðaratkvæðagreiðslu um framhald viðræðnanna, en innan flokksins virðist sú skoðun njóta meirihlutafylgis að mikilvægara sé að halda samstarfsflokknum góðum. Því verði tillagan studd, með hangandi hendi þó. Sú skoðun er þó ríkjandi innan flokksins að tillagan sé óþörf. Hún muni engu breyta um stöðuna, engar viðræður séu í gangi við ESB og formleg breyting á stöðu Íslands sem umsóknarlands skipti litlu. Tillagan muni hins vegar vekja litla hrifningu stjórnarandstöðunnar, sérstaklega Samfylkingarinnar og Bjartrar framtíðar og það muni setja sinn svip á þingstörfin. Framlagning tillögunnar sé því eins og að kasta steinum í geitungabú. Á móti kemur að í baklandi Framsóknarflokksins eru fjölmargir sem vilja slíta öll tengsl við Evrópusambandsumsókn fyrri ríkisstjórnar. Ráðherrar flokksins verði varir við þrýsting í þá átt.Allt eða ekkert Sigurður Ingi Jóhannsson, ráðherra sjávarútvegsmála, hefur kallað eftir víðtækri sátt um fyrirkomulag fiskveiðistjórnunar. Á stundum hefur virst sem hann muni ekki leggja fram frumvarp um breytingar á fiskveiðistjórnun nema sú sátt liggi fyrir. Svandís Svavarsdóttir, þingmaður Vinstri grænna, orðar það sem margir stjórnarandstöðuþingmenn hugsa. „Það gengur náttúrulega ekki með svona stór mál eins og fiskveiðistjórnun að verið sé að byggja á einhverjum sögusögnum og einhverju sem mönnum hefur verið sýnt á lokuðum fundum. Þetta er mál af þeirri stærðargráðu að menn eiga bara að koma með það til þingsins og ræða það þar.“ Innan Sjálfstæðisflokksins er hins vegar andstaða við breytingar á fiskveiðistjórnunarkerfinu. Kerfið virki í grundvallaratriðum, sé jafnvel öfundarefni í öðrum löndum, og því sé engin ástæða til að breyta því. Það virðist því vera allt eða ekkert í þessum málum, enn sem komið er allavega; annaðhvort algjör sátt eða engin breyting.Haftaumræða í höftum Undarlega hljótt hefur verið um stærsta málið sem boðað hefur verið á yfirstandandi þingi; afnám gjaldeyrishafta. Það er mál af þeirri stærðargráðu að það hefur gríðarleg áhrif á efnahag þjóðarbúsins. Heimildarmenn Fréttablaðsins innan stjórnarflokkanna voru sammála um að Bjarni Benediktsson og Sigmundur Davíð Gunnlaugsson héldu þeim málum þétt að sér. Ljóst er þó að ágreiningur er á milli þeirra um hvaða leiðir eigi að fara.Af nógu að taka Það verður því nóg að gera hjá þingmönnum fram á sumar. Það skýrist á næstu vikum hvaða mál koma til þingsins, en frestur til að leggja fram ný frumvörp rennur út 26. mars. Ráðherrar hafa því aðeins 42 daga til að ganga frá þeim frumvörpum sem ætlunin er að fá samþykkt fyrir vorið.
Alþingi Mest lesið Íslensk flugáhöfn horfði á ljónaárás rétt við hótelið Innlent „Ef hann hefði verið einn þá hefði þetta getað farið miklu verr“ Innlent Huldukona í lykilhlutverki í lygilegu ráðabruggi um símboðana Erlent Af hverju er barnið mitt alltaf að segja Skibidi toilet? Innlent Segir rangt að þau hafi reynt að stöðva lögreglubíl í forgangsakstri Innlent Samþykktu ályktun og stefna að kosningum í vor Innlent „Kveður við nýjan tón í samstarfinu sem er efnislega lokið“ Innlent Risaþotan flýgur aftur yfir Reykjavíkursvæðið Innlent Glerbrot í lauginni Innlent „Þetta er ekki endanlegt frumvarp“ Innlent Fleiri fréttir Heppni að ekki fór verr þegar tveggja ára drengur féll niður nokkra metra Risaþotan flýgur aftur yfir Reykjavíkursvæðið „Þetta er ekki endanlegt frumvarp“ Samþykktu ályktun og stefna að kosningum í vor Segir rangt að þau hafi reynt að stöðva lögreglubíl í forgangsakstri Nóg af heitu vatni á Selfossi Glerbrot í lauginni „Kveður við nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Sjá meira