Stjörnukonur enn á ný til Rússlands | Mæta Zvezda-2005

Íslandsmeistarar Stjörnunnar í fótbolta mæta drógust á móti rússneska liðinu Zvezda-2005 þegar dregið var í 32 liða úrslit Meistaradeildarinnar í dag.

Þetta er annað árið í röð sem þessi lið mætast í 32 liða úrslitunum en Zvezda-2005 sló Stjörnuna út í fyrra, samanlagt 8-3, eftir sigra í báðum leikjum liðanna.

Stjarnan er að taka þátt í þriðja sinn í 32 liða úrslitunum og hefur alltaf mætt rússnesku liði því Stjörnukonur spiluðu á móti árið 2012.

Þetta er ennfremur fjórða árið í röð sem Íslandsmeistararnir mæta liði frá Rússlandi í 32 liða úrslitum Meistaradeildarinnar.

Sara Björk Gunnarsdóttir og félagar hjá sænsku meisturunum í Rosengård lentu á móti finnska liðinu PK-35 Vantaa en Katrín Ómarsdóttir og félagar hennar í enska liðinu Liverpool drógust á móti Brescia frá Ítalíu.

Fyrri leikurinn í viðureigninni verður heimaleikur Stjörnunnar og fer hann fram  7. eða 8. október.  Seinni leikurinn fer fram í Rússlandi og verður 14. eða 15. október.

Það var ekki dregið í 16 liða úrslitin strax eins og síðustu ár og því vita Stjörnukonur ekki hvað bíður þeirra takist þeim að slá Rússana loksins út.



Liðin sem mætast í 32 liða úrslitunum:

BIIK-Kazygurt - FC Barcelona

Medyk Konin - Olympique Lyonnais

Olimpia Cluj - Paris Saint-Germain

Slavia Praha - Brøndby

Standard Liège - FFC Frankfurt

PAOK - KIF Örebro

FC Twente - Bayern München

Atlético Madrid - Zorkiy

St. Pölten-Spratzern - Verona

Stjarnan - Zvezda-2005

LSK Kvinner - FC Zürich

Chelsea - Glasgow City

PK-35 Vantaa - Rosengård

ZFK Minsk - Fortuna Hjørring

Spartak Subotica - Wolfsburg

Brescia - Liverpool