Kallaði múslima hettumáf

"Ég vissi ekki að það ynnu hettumávar hér," sagði afgreiðslukona í stórmarkaðinum Kvickly, í Hróarskeldu í Danmörku, þegar hún sá múslima meðal starfsfólksins. Hann var með hefðbundinn arabiskan höfuðbúnað.

Afgreiðslukonan var rekin á staðnum fyrir þessi ummæli. Vinnumálaréttur Danmerkur hefur nú kveðið upp þann úrskurð að refsingin hafi verið of hörð. Ummælin væru vissulega óviðeigandi. Hinsvegar hefði brittrekstur úr starfi í för með sér miklar efnahagslegar þrengingar fyrir viðkomandi.

Rétturinn taldi að í þessu tilfelli hefði átt að vita konunni skriflega áminningu. Hann dæmdi henni sem svarar rúmri einni og hálfri milljón íslenskra króna í bætur.