Hamarsmenn úr botnsætinu

Þrír leikir fóru fram í Iceland Express deild karla í körfubolta í kvöld. Hamar lyfti sér úr botnsætinu með góðum sigri á Tindastól fyrir norðan 88-85 í hörkuleik. KR lagði Fjölni 94-85 og Skallagrímur burstaði Stjörnuna 89-64.

KR komst upp að hlið Keflavíkur á toppi deildarinnar með sigrinum í kvöld og hafa bæði lið hlotið 20 stig. Keflvíkingar eiga þó leik til góða. Skallagrímur komst í fimmta sætið með sigrinum á Stjörnunni og Hamar fór í 6 stig og upp fyrir Fjölni í 11. og næst neðsta sæti deildarinnar eftir sigurinn á Stólunum.