Mourinho býst við konunlegum móttökum

Jose Mourinho skortir ekki sjálfstraustið frekar en fyrri daginn. Nú hefur hann lýst því yfir að hann búist við konunglegum móttökum þegar hann heimsækir Porto í 16-liða úrslitum Meistaradeildarinnar í febrúar. Mourinho gerði Porto að Evrópumeisturum fyrir rúmum tveimur árum.

"Ég býst fastlega við því að þeir áhorfendur sem muna eftir árangri mínum með Porto standi upp fyrir mér og klappi. Frá þeim sem muna ekki eftir störfum mínum býst ég við móðgunum og bauli," sagði Mourinho við portúgalska fjölmiðla í dag.

Hinn 43 ára gamli Mourinho þjálfaði Porto frá árunum 2002-2004. Undir hans stjórn varð liðið Evrópumeistari félagsliða árið 2003 og ári síðar vann liðið Meistaradeild Evrópu.