LA Lakers - Memphis í beinni

Leikur LA Lakers og Memphis Grizzlies verður sýndur í beinni útsendingu á NBA TV sjónvarpsstöðinni á Digital Ísland í kvöld klukkan 2:30. Kobe Bryant er nú kominn á fullt með liði Lakers á ný eftir meiðsli, en hefur þó haft mjög hægt um sig í stigaskorun í síðustu leikjum.

Memphis hefur átt í miklum erfiðleikum framan af tímabili án síns besta manns, Spánverjans Pau Gasol, sem meiddist á HM í sumar. Memphis hefur tapað þremur leikjum í röð, en Lakers hefur tapað tveimur í röð. Það vekur athygli að Memphis hefur unnið þrjár síðustu viðureignir liðanna í Los Angeles, en Lakers-liðið á eflaust eftir að vilja breyta því í nótt.