„Ó­trú­legt að hann sé tveimur árum eldri en ég“

Álftnesingar unnu öruggan 34 stiga sigur í kvöld, 111-77. Eftir að jafnt var á öllum tölum eftir fyrsta leikhluta settu heimamenn í gír og stungu gestina af.

„Við förum bara inn í alla leiki, hvort sem það er sá fyrsti eða síðasti á tímabilinu, til að reyna að vinna alla sannfærandi. Við erum bara búnir að búa til lið og stemningu og við bara sjáum hvað kemur.“

Þrátt fyrir að hafa ekki náð almennilegum tökum á leiknum fyrr en eftir fyrsta leikhluta var Haukur þó ánægður með liðið frá fyrstu mínútu.

„Mér fannst fyrsti leikhluti alveg flottur líka. Það var bara meiri orka hjá báðum liðum, en við kannski keyrum aðeins meira á breiddinni og getum haldið þetta út. Varnarlega vorum við bara mjög fínir og þá sérstaklega í síðustu þremur leikhlutunum. Mér fannst við bara spila mjög vel saman. Byrjuðum þetta í vörninni og náðum að hlaupa aðeins á þá.“

Þá hrósaði Haukur einum af nýju leikmönnum liðsins, Lettanum Martin Laksa, sem skilaði 21 stigi í kvöld.

„Hann er flottur. 36 ára og ótrúlegt að hann sé tveimur árum eldri en ég,“ sagði Haukur léttur.

„Nei, hann var geggjaður í kvöld. Hann getur skotið boltanum og kemur með reynslu. Síðan er þetta púsl sem við erum búnir að vera í bara að leita að leikmönnum sem passa inn í þennan bolta sem við viljum spila og mér finnst við bara búnir að vera flottir,“ sagði Haukur að lokum.