Einstaklingsframtak Saha tryggði United sigur

Franski framherjinn Louis Saha skoraði eina mark leiksins þegar Manchester United náði fram hefndum á Benfica og kom sér í góð mál í riðli sínum með 1-0 sigri. Enska liðið var fjarri sínu besta í leiknum, en Cristiano Ronaldo var maður vallarins og í raun eini maðurinn sem spilaði vel í kvöld.

Arsenal vann góðan 2-0 sigur á Porto með mörkum frá Thierry Henry og Alexander Hleb. Real Madrid burstaði Dynamo Kiev 5-1 þar sem Ruud Van Nistelrooy og Raul skoruðu tvö mörk hvor og Jose Reyes eitt. Leikmenn Dynamo voru manni færri frá 68. mínútu, en það var Artem Milevsky sem skoraði mark Kænugarðsmanna.

Frönsku meistararnir í Lyon unnu sannfærandi 3-0 útisigur á Steua Búkarest með mörkum frá Fred, Thiago og Karim Benzema og Celtic lagði FC Kaupmannahöfn 1-0 með marki frá Kenny Miller úr vítaspyrnu.

AEK Aþena og Anderlecht gerðu 1-1 jafntefli, líkt og Lille og AC Milan sem skildu markalaus í Frakklandi. Fyrr í kvöld vann CSKA Moskva 1-0 sigur á Hamburg frá Þýskalandi.