FH-ingar áfram eftir jafntefli

FH-ingar eru komnir í aðra umferð forkeppni meistaradeildar Evrópu eftir 1-1 jafntefli við TVMK Tallin í Kaplakrika í kvöld og mætir Legia Varsjá frá Póllandi í næstu umferð. FH sigraði því samanlagt 4-3. Eistarnir komust yfir 1-0 á 60. mínútu leiksins með marki úr vítaspyrnu, en Atli Guðnason reyndist bjargvættur Hafnfirðinga eins og í fyrri leiknum þegar hann jafnaði undir lokin með laglegu marki.

Fyrri viðureign FH og Legia Varsjá verður eftir viku í Kaplakrika og verður sá leikur sýndur beint á Sýn rétt eins og leikur kvöldsins.