10% líkur, segir Robben

Arjen Robben telur litlar líkur á því að hann verði með gegn Barcelona í Meistaradeild Evrópu í knattspyrnu. Hinn 21 árs gamli Robben fótbrotnaði í leik gegn Blackburn í síðasta mánuði en Chelsea mætir Börsungum í annað sinn 8. mars næstkomandi en Chelsea tapaði fyrri leiknum, 2-1. "Það er ómögulegt að segja hvort ég verði með gegn Barcelona. Við erum að tala um mjög litlar líkur, kannski 10%," sagði Robben. "Batinn hefur gengið betur en við áttum von á en ég tel bara að leikurinn við Barcelona sé einfaldlega of snemma. Ég ætla ekki að taka neinar áhættu."