Real Madrid sektað

Real Madrid hefur verið sektað um tæplega 10 þúsund evrur fyrir hegðun áhorfenda í leik liðsins gegn Bayer Leverkusen í Meistaradeild Evrópu í knattspyrnu í síðasta mánuði. Áhorfendur gerðu sig seka um aðdróttanir, sem báru vott um kynþáttahatur, í garð leikmanna Leverkusen. Þá sáust áhorfendur einnig heilsa að nasistasið. Lið Lazio á Ítalíu var einnig sektað fyrir hegðun áhorfenda í leik gegn FK Partizan í Meistaradeildinni. Lazio er gert að leika næsta leik fyrir luktum dyrum. Er þetta í þriðja sinn sem félaginu er refsað fyrir slíkt brot.