Ísland í dag - Salka býr í pínulitlu húsi alsæl!
Tónlistarkonan Salka Valsdóttir í Reykjavíkurdætrum býr í pínulitlu húsi með kærastanum og er alsæl. Húsið er friðað og eitt af örfáum steinbæjum í Reykjavík. Salka er einstaklega nægjusöm og hefur eins og svo margir af hennar kynslóð auga fyrir gömlum munum og það sést vel í þessu fallega húsi þar sem hún endurnýtir gamla hluti sem eiga sér sögu. Og naumhyggjan er í raun alls ráðandi þar sem ekkert er af húsgögnum eða hlutum eða fatnaði sem ekki er þörf fyrir. Vala Matt fór og heimsótti Sölku og skoðaði þetta skemmtilega pínulitla hús.
