Banda­rísk sjónvarpsstjarna spókaði sig um í mið­bænum

Það eru listakonurnar í Kirsuberjatréinu á Vesturgötu sem greina frá því að leikarinn hafi sótt þær heim í dag. Hann kíkti við í listabúðinni í hádeginu og sat fyrir á mynd með einni af listakonunum Dísu Jóhannsdóttur.

Domingo fer með stórt hlutverk í Four Seasons á Netflix ásamt Tinu Fey og fleiri valinkunnum leikurum. Þættirnir fjalla um miðaldra vini sem fara reglulega í frí saman þvert á árstíðir.

Domingo er líklega þekktastur fyrir hlutverk sitt sem Ali Muhammad í sjónvarpsþáttunum Euphoria frá HBO sem skörtuðu Zendaya, Jacob Elordi og Sydney Sweeney í aðalhlutverkum. Hann skaust upp á stjörnuhimininn árið 2015 í hlutverki Victor Strand í uppvakingaþáttunum Fear the Walking Dead.

Þá fór Domingo með risahlutverk í Disclosure Day, nýjustu myndinni úr smiðju Steven Spielberg sem sýnd var í kvikmyndahúsum fyrr á þessu ári. Hann fór auk þes með hlutverk í kvikmyndinni Michael um Michael Jackson en þar fór Domingo með hlutverk föðurs söngvarans, Joe Jackson. Hann er því hægt og bítandi að færa sig yfir á hvíta tjaldið. 

Domingo var nýverið í viðtali við bandarísku sjónvarpsstöðina CNN. Þar sagði hann frá því að hann hafi átt erfitt uppdráttar snemma á ferlinum, en hafi þó aldrei gefist upp.