Innlent

Þyrlan sækir mann eftir hestaslys

Jón Þór Stefánsson skrifar
Mynd frá 2019 þar sem þyrla kemur til baka með farþega úr rútuslysi í Öræfum.
Mynd frá 2019 þar sem þyrla kemur til baka með farþega úr rútuslysi í Öræfum. Vísir/Vilhelm

Þyrla Landhelgisgæslunnar flýgur nú til móts við sjúkrabíl sem flytur slasaðan mann eftir hestaslys sem varð austur við Kirkjubæjarklaustur.

Áætlað er að þyrlan taki við manninum við Vík í Mýrdal eða í Skógum.

Einar Valsson, aðgerðarstjóri hjá Landhelgisgæslunni, segir í samtali við fréttastofu að útkallið hafi borist um korter yfir sjö í kvöld.

Grunur er um að maðurinn sé með höfuðáverka, líklega eftir spark frá hesti.

Landhelgisgæslan Hestar Skaftárhreppur Mýrdalshreppur Sjúkraflutningar

Mest lesið


Fleiri fréttir

Sjá meira


×

Mest lesið