Dag­skráin: Halda botnliðin á­fram að bíta frá sér?

Þetta er annars vegar leikur Þróttar og Fram í Laugardalnum og hins vegar leikur Stjörnunnar og Þór/KA í Garðabænum.

Fram og Þór/KA eru í tveimur neðstu sætunum en unnu bæði flotta sigra í síðustu umferð og ætla að bíta frá sér.

Framkonur unnu einn óvæntasta sigur sumarsins þegar þær unnu 3-2 sigur á Íslandsmeisturum Breiðabliks sem misstu fyrir vikið toppsætið.

Þór/KA fagnaði ekki sigri í fyrstu átta leikjum sínum í deildinni í sumar en Norðankonur hafa nú unnið tvo leiki í röð.

Útsending frá leik Stjörnunnar og Þór/KA hefst klukkan 17.50 á SÝN Sport Ísland en leikurinn sjálfur hefst klukkan 18.00.

Útsending frá leik Þróttar og Fram hefst klukkan 19.05 á SÝN Sport Ísland 2 en leikurinn sjálfur hefst 19.15.