Á hæsta for­gangi vegna steypu­bíls sem lenti í Þjórs­á

Samkvæmt upplýsingum frá lögreglunni á Suðurlandi ók ökumaðurinn út af brú nærri Sultartangavirkjun. Um umferðaróhapp hafi verið að ræða og Vegagerðin ákveðið að loka fyrir umferð um einbreiðu brúnna. Til stendur að ná steypubílnum upp á morgun en í millitíðinni hefur Landsvirkjun gripið til aðgerða til að minnka vatnsflæði í ánni. 

„Þeir beina straumnum annaðog þá minnkar allur straumur í ánni,þannig að þeir telja ekki að það sé hætta á að hann fari neitt þangað til á morgun og svo á morgun þá í rauninni tæma þeir þetta lón, loka fyrir og þá geta þeir náð í bílinn,“ segir Bryndís Jóhannesdóttir, aðalvarðstjóri hjá lögreglunni á Suðurlandi.

Ásgeir Erlendsson, upplýsingafulltrúi Landhelgisgæslunnar, segir áhöfn hafa verið reiðubúna á Reykjavíkurflugvelli þegar kallið barst þar sem hún hafi verið að undirbúa sig undir annað útkall.

„Þannig að hún gat brugðist hratt við og var komin á loft um tuttugu mínútur í átta og komin á staðinn um átta mínútur yfir átta. Þar var maðurinn uppi á hlið steypubílsins sem var á hliðinni úti í ánni og sigmaðurinn seig niður til hans og hann var hífður upp í þyrluna.“

Sjúkralið og lögregla hafi sömuleiðis verið kölluð út. Ásgeir hafði ekki upplýsingar um ástand steypubílsins að svo stöddu. Hann bætti við að þyrlan hafi síðar lent á Reykjavíkurflugvelli og ökumaðurinn fluttur með sjúkrabíl á spítalann til skoðunar.

Fréttin er í vinnslu.