Tveir ís­lenskir kylfingar í efstu tíu sætunum

Ragnhildur Kristinsdóttir endaði í fimmta sæti en hún var á tveimur höggum undir pari eftir hringina þrjá. Hún endaði lokahringinn sterkt með tveimur fuglum á síðustu þrem holunum.

Hulda Clara Gestsdóttir endaði mótið í níunda sæti, aðeins einu höggi á eftir Ragnhildi. Andrea Bergsdóttir náði sér ekki almennilega á strik eftir slakan fyrsta hring en hún endaði mótið á fjórum höggum yfir pari.

Íslensku kylfingarnir á LET Acess mótaröðinni eru á fínum stað en sjö stigahæstu kylfingar mótaraðarinnar fá þátttökurétt á LET mótaröðinni. Hulda Clara er efst af íslensku kylfingunum í sjötta sæti listans en Ragnhildur er ekki langt undan í því tíunda. Andrea situr í 25. sæti en aðeins átta mót eru eftir af tímabilinu.