Meistari í fyrsta skipti í 53 ár

Í fyrsta skipti síðan 1973 er New York Knicks NBA meistari eftir frábæra úrslitaviðureign gegn San Antonio Spurs. Það sem einkenndi Knicks-liðið er þrautseigja þar sem liðið var undir í öllum leikjum úrslitaviðureignanna en náði að koma til baka í fjögur af fimm skiptum.

Jalen Brunson var án efa hetja leiksins en hann var einnig valinn mikilvægasti leikmaður úrslitaviðureignarinnar. Þar fékk hann að meðaltali 32,6 stig en í lokaleiknum var hann með 45 stig.

Brunson fagnaði vel og innilega og áttu hann og faðir hans fallega stund eftir leik. Rick Brunson er aðstoðarþjálfari Knicks en sem leikmaður Knicks komst hann í úrslit NBA árið 1999. Rick Brunson og félagar náðu ekki að vinna titilinn þá en sonur hans náði því 27 árum seinna.

Leikmenn San Antonio Spurs geta verið svekktir út í sjálfa sig þar sem á tímabili í leiknum leiddi liðið með sextán stigum. Liðið byrjaði alla leiki mun betur en Knicks en eftir sem leið á leikina urðu Knicks betri.

Yfir alla úrslitaviðureignina var Spurs með 57 stiga forskot eftir alla fyrstu leikhlutana. Hins vegar skoruðu Knicks fleiri stig í öllum þrem leikhlutunum sem varð Spurs að falli.

Borgarstjóri New York er búinn að tilkynna að það verður skrúðganga til að fagna titlinum á fimmtudaginn. Það má búast við miklum fagnaðarlátum og gleði þar eftir 53 ára bið