Tveir hand­teknir í sérsveitaraðgerð á Akur­eyri

Í samtali við vakthafandi lögregluþjón kom fram að málið sé á viðkvæmu stigi og ekki sé unnt að veita nánari upplýsingar um málsatvik að svo stöddu.

Á mynd af vettvangi sem fréttastofu barst má sjá lögreglu handtaka mann fyrir utan staðinn Sjanghæ við Strandgötu á Akureyri. Lögregla staðfestir að aðgerðin tengist staðnum ekki á neinn hátt.

Þá greinir RÚV frá því að laust fyrir miðnætti hafi borist tilkynning um einstakling sem ógnaði fólki með hnífi í heimahúsi á Akureyri. Sá var handtekinn grunaður um líkamsárás. Ekki leikur þó grunur á að hnífnum hafi verið beitt í líkamsárásinni.