Innlent

Ari Edwald enn undir feldi

Telma Tómasson skrifar
Ari Edwald var á nýliðanámskeiði fyrir borgarfulltrúa í dag. Hann segist ekki hafa gert upp hug sinn um hvort hann þiggur boð Hildar Björnsdóttur borgarstjóra um að verða stjórnarformaður Orkuveitunnar.
Ari Edwald var á nýliðanámskeiði fyrir borgarfulltrúa í dag. Hann segist ekki hafa gert upp hug sinn um hvort hann þiggur boð Hildar Björnsdóttur borgarstjóra um að verða stjórnarformaður Orkuveitunnar. vísir/einar

Ari Edwald oddviti Miðflokksins í borginni hefur ekki enn gert upp hug sinn varðandi tillögu Hildar Björnsdóttur, verðandi borgarstjóra og oddvita Sjálfstæðisflokksins í Reykjavík, um að hann taki að sér stjórnarformennsku í Orkuveitunni.

Ari liggur nú undir feldi og segir eitthvað í að hann opinberi ákvörðun sína, það hasti ekki.

Þegar nýr meirihluti Sjálfstæðisflokks, Viðreisnar og Framsóknarflokks í Reykjavík var kynntur til sögunnar á blaðamannafundi í Viðey sagði Hildur að lögð yrði fram sú tillaga að oddviti Miðflokksins tæki að sér stjórnarformennsku í Orkuveitunni. 

Ari hefði víðtæka stjórnunar- og rekstrar reynslu sem myndi nýtast fyrirtækinu vel. Tillaga um málið verður að óbreyttu afgreidd formlega á öðrum fundi nýrrar borgarstjórnar, 16. júní.

„Ég er að hugsa þetta mál og skoða frá ýmsum hliðum, niðurstaðan kemur fram þegar hún liggur fyrir,“ segir Ari í skriflegum skilaboðum til fréttastofu, inntur eftir því hvort hann hyggist þiggja eða hafna stöðu stjórnarformanns.

Reykjavík Miðflokkurinn Orkumál Stjórnsýsla Sveitarstjórnarkosningar 2026

Mest lesið


Fleiri fréttir

Sjá meira


×

Mest lesið