Sjálfstæðisflokkurinn stærstur og fylgi Miðflokks eykst á ný

Atli Ísleifsson skrifar 13. maí 2026 20:26

Hildur Björnsdóttir er oddviti Sjálfstæðismanna í borginni. Vísir/Vilhelm

Sjálfstæðisflokkurinn mælist með 28 prósenta fylgi og er stærstur flokka samkvæmt nýrri könnun Maskínu um fylgi flokka í Reykjavík. Fylgi Samfylkingar og Miðflokks eykst á milli kannana en fylgi Vinstrisins og Sósíalista dregst saman.

Könnunin var kynnt í upphafi kappræðna fréttastofu Sýnar sem hófust klukkan 19:30.

Samfylkingin mælist með 19,0 prósenta fylgi samanborið við 18,0 prósenta fylgi í síðustu könnun. Vinstrið mælist þriðji stærsti flokkurinn með 11,8 prósenta fylgi samanborið við 13,2 prósenta fylgi í síðustu könnun.

Viðreisn mælist með 11,6 prósenta fylgi en var með 12,6 prósent í síðustu könnun Maskínu. Miðflokkurinn mælist með 9,3 prósenta fylgi, en 6,7 prósenta fylgi síðast.

Framsókn mælist með 5,9 prósenta fylgi en var með 5,7 prósent síðast. Píratar mælast með 4,2 prósent en voru með 4,9 prósenta fylgi í könnun Maskínu í upphafi mánaðar.

Flokkur fólksins mælist með 4,1 prósent en var með 2,8 prósent síðast. Sósíalistaflokkurinn mælist með 3,2 prósent en mældist með 5,1 prósent síðast.

Okkar borg og Góðan daginn mælast báðir með eins prósenta fylgi.

Samkvæmt könnuninni fengi Sjálfstæðisflokkurinn sjö borgarfulltrúa, Samfylkingin fimm, Vinstri og Viðreisn þrjá, Miðflokkurinn tvo, Framsókn, Píratar og Flokkur fólksins einn. Sósíalistar fengju ekki mann kjörinn, ekki frekar en Okkar borg og Góðan daginn.

Nánar verður rýnt í stöðu mála í Kosningaspá Vísis í samstarfi við Baldur Héðinsson stærðfræðing á Vísi í fyrramálið.

Svona liti borgarstjórn út samkvæmt niðurstöðum könnunar Maskínu. Vísir

Samkvæmt könnuninni myndi borgarstjórn líta þannig út:

Hildur Björnsdóttir (D)
Bjarni Guðjónsson (D)
Brynjar Níelsson (D)
Ragnhildur Alda María Vilhjálmsdóttir (D)
Rúnar Freyr Gíslason (D)
Guðný María Jóhannsdóttir (D)
Albert Guðjónsson (D)
Pétur Marteinsson (S)
Heiða Björg Hilmisdóttir (S)
Steinunn Gyðu- og Guðjónsdóttir (S)
Skúli Helgason (S)
Stein Olav Romslo (S)
Sanna Magdalena Mörtudóttir (A)
Líf Magneudóttir (A)
Stefán Pálsson (A)
Björg Magnúsdóttir (C)
Róbert Ragnarsson (C)
Þorvaldur Davíð Kristjánsson (C)
Ari Edwald (M)
Kristín Kolbrún Waage Kolbeinsdóttir (M)
Einar Þorsteinsdóttir (B)
Kristinn Jón Ólafsson (P)
Guðmundur Ingi Þóroddsson (F)

Hægt er að horfa á myndband af oddvitunum bregðast við niðurstöðum könnunarinnar í spilaranum að neðan.

Könnunin fór fram 6. til 12. maí 2026 og voru 1.511 svarendur sem tóku afstöðu til flokks.

Sveitarstjórnarkosningar 2026 Skoðanakannanir Sjálfstæðisflokkurinn Samfylkingin Viðreisn Vinstri græn Vinstrið Flokkur fólksins Framsóknarflokkurinn Píratar Miðflokkurinn Góðan daginn Okkar borg Sósíalistaflokkurinn

Mest lesið

Fleiri fréttir