Luka Doncic vann áfrýjunina og er gjald­gengur fyrir öll verð­laun NBA

Dončić, sem lauk tímabilinu með 64 leiki, missti af tveimur leikjum í desember vegna fæðingar barns síns erlendis. Cunningham, sem spilaði 63 leiki, missti af tólf leikjum vegna þess að lunga hans féll saman.

„NBA og NBPA voru sammála um að, með hliðsjón af heildaraðstæðum Cunningham og Dončić, væru báðir leikmenn gjaldgengir fyrir öll verðlaun,“ sögðu deildin og leikmannasamtökin í yfirlýsingu.

Anthony Edwards hjá Minnesota, sem spilaði 60 leiki, lagði einnig fram áfrýjun. Mál hans fór fyrir óháðan gerðardóm en áfrýjun hans var hafnað og hann er ekki gjaldgengur fyrir verðlaun.

Staða Dončić og Cunningham var mikið umræðuefni undir lok tímabilsins. Doncic endaði tímabilið með 33,5 stig og 8,3 stoðsendingar að meðaltali í leik auk þess að taka 7,7 fráköst í leik. Cunningham átti líka flott tímabil með 23,9 stig og 9,9 stoðsendingar að meðaltali.

Victor Wembanyama hjá San Antonio, sem er í umræðunni um að vera kosinn bestur og líklegur sem varnarmaður ársins, náði 65 leikja markinu í næstsíðasta leik Spurs.

Nikola Jokic hjá Denver, sem hefur þrisvar verið kosinn bestur, varð gjaldgengur fyrir verðlaun þessa árs á lokadegi venjulegs leiktímabils. Hann hefur verið í fyrsta eða öðru sæti í MVP-kosningunni á hverju síðustu fimm tímabila og vann frákasta- og stoðsendingatitla deildarinnar á þessu tímabili.

David Adelman, þjálfari Nuggets, sagði í síðustu viku að hann vonaði að 65 leikja reglunni yrði breytt í sumar. Hann sagði að ef leikmenn eins og Jokic gætu spilað 64 leiki, aldrei viljað fara af velli og væru ekki gjaldgengir fyrir verðlaun, þá væri eitthvað að.

„Það er ekki andi reglunnar,“ sagði Adelman.

Fjöldi leikmanna verður ekki gjaldgengur fyrir flest stór einstaklingsverðlaun á þessu tímabili vegna 65 leikja reglunnar, þar á meðal LeBron James hjá Lakers, en 21 árs samfelld val hans í úrvalslið NBA

mun enda. Giannis Antetokounmpo hjá Milwaukee og Stephen Curry hjá Golden State hafa einnig misst af of mörgum leikjum til að vera gjaldgengir.

Nú þegar ákvarðanir um Dončić, Cunningham og Edwards liggja fyrir er búist við að NBA sendi kjörseðla fyrir verðlaunin til hóps fréttamanna og útvarpsfólks sem fjallar um deildina á næstu dögum. Óljóst er hvenær tilkynnt verður um sigurvegara verðlaunanna.