Curry hélt stríðsmönnunum á lífi

Curry var aðeins með 8 stig í fyrri hálfleik en skoraði 27 stig í seinni hálfleik, þar af 16 stig á aðeins sex mínútum í þriðja leikhluta.

Al Horford átti síðan frábæran sprett í fjórða leikhluta. Miðherjinn hitti úr fjórum skotum fyrir aftan þriggja stiga línuna í endurkomu Warriors.

Curry kom Warriors síðan í forystu með þriggja stiga skoti þegar tæp mínúta var eftir, en í upphafi leikhlutans höfðu Clippers leitt með þrettán stigum.

Kawhi Leonard mátti sín lítils fyrir Clippers og skoraði ekki í fjórða leikhluta fyrr en sextán sekúndur voru eftir, en þá var orðið of seint og Warriors sigldu sigrinum í höfn.

Warriors munu ferðast til Phoenix og mæta liði Suns í úrslitaleik um sæti í úrslitakeppninni. Sigurvegarinn úr þeim leik mætir svo deildarmeisturum Oklahoma City Thunder í átta liða úrslitum.

Clippers munu hins vegar missa af úrslitakeppninni, þrátt fyrir að hafa tekist fimmtánda tímabilið í röð að enda með jákvætt sigurhlutfall.