Snjó­flóð skammt frá borginni lík­lega af manna­völdum

Minney Sigurðardóttir náttúruvársérfræðingur hjá Veðurstofunni segir að rólegt hafi verið hjá ofanflóðavaktinni í dag. Appelsínugult hættustig er í gildi í Eyjafirði, á Tröllaskaga og á Austfjörðum. Norðanverðir Vestfirðir og Suðvesturhornið eru á gulum.

Tvö snjóflóð hafa verið skráð á Vestfjörðum í dag. Eitt féll fyrir ofan endurvinnslustöðina Funa í Engidal í Skutulsfirði. Vélsleðar munu svo hafa sett af stað spýjur í botni Súgandafjarðar að sögn Minneyjar.

Í nágrenni höfuðborgarinnar er eitt snjóflóð skráð sem féll í Móskarðshnjúkum. Athygli var vakin á því í Facebook-hópnum Snjóflóðatilkynningar en af myndum þar að dæma eru nokkuð skýr vélsleðaför í hlíðinni og því líklegt að flóðið sé af mannavöldum.

Minney segir grannt fylgst með aðstæðum á Austfjörðum. Veður versnar þar þegar á líður kvöldið. Vegurinn um Fagradal er á óvissustigi vegna snjóflóðahættu og gæti því lokað með litlum fyrirvara.

Hægt er að fylgjast með skráðum snjóflóðum á Gott veður.