Innlent

Skúli Tómas á­kærður fyrir mann­dráp en fimm mál felld niður

Árni Sæberg skrifar
Skúli Tómas starfar á Landspítalanum í Fossvogi.
Skúli Tómas starfar á Landspítalanum í Fossvogi. Vísir

Skúli Tómas Gunnlaugsson læknir hefur verið ákærður fyrir manndráp af ásetningi í tilfelli eins sjúklings í hans umsjá. Lögregla hafði andlát sex sjúklinga til skoðunar og felldi rannsókn fimm þeirra niður.

Þetta staðfestir Almar Þór Möller, verjandi Skúla Tómasar, í samtali við Vísi. Hann segir að ákæra hafi verið gefin út í gær.

„Það er ánægjulegt að fimm málanna voru felld niður en vonbrigði að ákært sé vegna eins tilvikanna. Ég á erfitt með að skilja þá ákvörðun og trúi því að fyrir dómi verði upplýst að enginn refsiverður verknaður hafi átt sér stað.“

Ákært sé fyrir manndráp af ásetningi og brot á lögum um heilbrigðisstarfsmenn en til vara fyrir manndráp af gáleysi og brot á sömu lögum. Gerð sé krafa um að Skúli Tómas verði dæmdur til refsingar og greiðslu alls sakarkostnaðar auk þess sem einkaréttarkrafa sé gerð.

Rannsókn lögreglu á andlátum sex sjúklinga á Heilbrigðisstofnun Suðurnesja, þar sem Skúli Tómas vann, hófst árið 2021. Sem áður segir var rannsókn fimm þeirra felld niður en ákært vegna eins þeirra.

Læknamistök á HSS Lögreglumál Dómsmál

Tengdar fréttir

Lýsa alvarlegri vanrækslu og kvölum móður sinnar sem lést eftir mistök á HSS

Móðir okkar hefði ekki þurft að deyja, segja dætur konu sem lést í umsjá læknis sem grunaður er um röð mistaka í störfum sínum. Þær segja móður þeirra hafa þurft að þola hræðilegar kvalir, meðal annars vegna sýkinga sem hafi verið illa meðhöndlaðar. Læknirinn er grunaður um að hafa sett konuna í lífslokameðferð að óþörfu.

Mest lesið


Fleiri fréttir

Sjá meira


×

Mest lesið