Missa af úr­slita­keppninni í fyrsta sinn í tíu ár

San Antonio Spurs unnu 127-95 sigur gegn Bucks sem voru án sinnar stærstu stjörnu Giannis Antetokounmpo. 

Bucks töpuðu níu af síðustu ellefu leikjum tímabilsins og talið er líklegt að Giannis muni finna sér annað lið í sumar. 

Þetta var áttundi sigur Spurs í röð og þeir eru í harðri baráttu toppbaráttu í vesturdeildinni við ríkjandi meistara Oklahoma City Thunder. Spurs eru tveimur sigrum á eftir Thunder þegar átta leikir eru eftir af tímabilinu. 

Victor Wembanyama fór að vana fremstur í flokki Spurs í nótt og skoraði 23 stig auk þess að grípa 15 fráköst. 

Giannis missti af síðustu sex leikjum tímabilsins vegna meiðsla. Í síðustu viku þvertók þjálfarinn Doc Rivers fyrir það að Giannis væri heill en vildi ekki spila. 

Í svipuðum dúr hafa Bucks verið sakaðir um að vilja ekki spila Giannis og viljandi missa af úrslitakeppninni til að fá betri stöðu í nýliðalotteríinu.