Jóhann Már verður fram­kvæmda­stjóri Wolt á Ís­landi

Þetta kemur fram í tilkynningu en Jóhann hefur starfað sem forstöðumaður viðskiptaþróunar (e. Head of Commercial) á Íslandi síðan í september 2024.

„Í nýju hlutverki mun Jóhann hafa yfirumsjón með stórum hluta af sölustarfsemi Wolt á mörkuðunum þremur. Til marks um stærðargráðuna er norski markaðurinn einn og sér fjórfalt stærri en sá íslenski. Jóhann mun þar stýra alþjóðlegu teymi þar sem um ellefu stjórnendur heyra beint undir hann, og mun þannig efla enn frekar samstarf og framkvæmd á svæðinu,“ segir í tilkynningunni.

Ennfremur segir að Jóhann hafi verið lykilmaður í vexti Wolt á Íslandi og byggt upp sterk tengsl við veitingastaði og verslanir. „Undir hans stjórn hefur Wolt orðið eitt þekktasta vörumerki landsins með yfir 500 samstarfsaðila á skrá. Vinsældirnar leyna sér ekki, en fyrirtækið hefur til að mynda verið tekið fyrir í Áramótaskaupinu tvö ár í röð.“