Körfubolti

Stórleikur Elvars dugði ekki til sigurs

Ingvi Þór Sæmundsson skrifar
Elvar Már Friðriksson klikkaði aðeins á einu skoti gegn Lublin í dag.
Elvar Már Friðriksson klikkaði aðeins á einu skoti gegn Lublin í dag. vísir/hulda margrét

Elvar Már Friðriksson spilaði stórvel þegar Anwil Wlocawek laut í lægra haldi fyrir Lublin, 97-91, í pólsku úrvalsdeildinni í körfubolta í dag. Elvar var stiga- og stoðsendingahæstur í liði Anwil Wlocawek.

Þetta var þriðja tap Anwil Wlocawek í röð en liðið er í 7. sæti deildarinnar með 33 stig.

Elvar spilaði í tæpan hálftíma í dag. Hann skoraði 23 stig, tók þrjú fráköst og gaf sjö stoðsendingar.

Njarðvíkingurinn hitti úr öllum þremur skotum sínum inni í teig og fimm af sex þriggja stiga skotum hans rötuðu rétta leið. Þá nýtti Elvar tvö af þremur vítaskotum sínum.

Á þessu tímabili er Elvar með 12,5 stig, 2,4 fráköst og 6,3 stoðsendingar að meðaltali í leik í pólsku deildinni.

Körfubolti

Mest lesið


Fleiri fréttir

Sjá meira


×

Mest lesið