Ráðin fram­kvæmda­stjóri mann­auðs­sviðs hjá Húsa­smiðjunni

Í tilkynningu segir að Hulda hafi starfað hjá JBT Marel undanfarin ellefu ár, nú síðast sem Senior HR Director, stefnumótandi stjórnandi mannauðsmála fyrir alþjóðlega hugbúnaðardeild fyrirtækisins sem og einingu sem sinni stefnumótun, markaðsmálum og nýsköpun með umsjón yfir 500 starfsmenn í yfir 20 löndum.

„Hulda hefur tæplega 20 ára reynslu af mannauðsmálum og hefur auk JBT Marel starfað hjá Össuri á árunum 2011 til 2015 og N1 á árunum 2008 til 2011.

Hulda hefur kennt mannauðsstjórnun við Háskóla Íslands frá árinu 2009. Hún er með

MA í mannauðsstjórnun frá Háskóla Íslands og Copenhagen Business School

og hefur lokið námi í Leadership and Performance Coaching frá Brown University.

Hulda mun hefja störf í byrjun mars næstkomandi,“ segir í tilkynningunni.