Jókerinn tók fram úr goð­sögn

Jókerinn skoraði 22 stig, gaf 17 stoðsendingar og greip 14 fráköst í sinni 182. þreföldu tvennu.

Oscar Robertson, einnig þekktur undir gælunafninu Big O eða stóra O-ið, sat lengi í langefsta sæti listans. Hann náði sinni síðustu 181. og síðustu tvennu í 1039. leiknum á ferlinum, þeim næstsíðasta, árið 1974.

Jokic hefur hins vegar aðeins spilað 782 leiki og er langt frá því að vera hættur.

„Hann er goðsögn“ sagði Jokic einfaldlega um Robertson eftir leik.

Jókerinn er nú í öðru sæti listans á eftir Russell Westbrook sem hefur náð 207 þreföldum tvennum. 

Báðir eru enn spilandi en hægst hefur töluvert á Westbrook, sem hefur aðeins náð fjórum þreföldum tvennum á þessu tímabili gegn nítján hjá meiðslahrjáðum Jokic.

„Þegar miðherjinn þinn er með sautján stoðsendingar í leik, þetta er ekki eðlilegt. Nema hjá honum. Hann er algjörlega ótrúlegur“ sagði David Adelman, þjálfari Nuggets, um Jokic.